Piza koe Livonia (suterot)
|
Piza koe Livonia tir ardialaf berpot ke Jules Verne sanegayan bak 1904, tis tana karba ke Yona zultafa koyara nevatum. Bak 1876 lan volgunik gu pisonara koe Livonia ( refa Eestia isu Latvia ) zo koridar, i gu pisonara inton me raplekuyuna. Kadimeazenton, to plabuca wal batkrilon slavaxantaf rossiik tis wawaf is bankrilon germanaxantaf rossiik tis kulaf ( glastik ok oluik ) tir. VildeksKoe Livonia, lan unenik ke Poch omelt rembures va erba koe Joayana gamda yorida zo adjuber. Fu kureyer numen batcoba va saneg konteper. Dalaf uculeganik tir Dimitri Nikolev tavesikye. Tiyir antaf korik tigis koe yorida, vaxe Kroff germanaf yoridik. Miltan dere tir kaatoesik va slavik tori direfa dotafa libura ke Riga widava, ise va jontika erba pu Johausen omeltik tis retik ke germanikeem tori mila libura danur. Ilka nazbeikya ke tavesik is nazbeikye va gadye zobed. Vladimir Yanov aguntanikye ke Ilka tir gaderopaf stolenik otceyes il kawaxo ke Siberia. Va volgunuca ke tavesik arpumason djuwazder nume va int atoer. Gindik ke Rossia va in mantukon bam emnagar, zidesison va germanaf glastikeem isu oluikeem. Yanov arnazbeik toleatomon maltegir voxen batcoba nijur egalesa kire va gunuca ke tavesik nuwazder. Bantel bam otcer aze awalkeyes kir nukseyes zo katrasir. Dace nazbeya va volgunuca laner ise va Yanov aluteik mea djukurer kire sedmeon co tir mebagaliafa gu in. Lana zultaca va zvak tere grogar : ageltucaf adjubesik enwe tir Kroff yoridik. Moida fu mulufter, pune pu gertik va int movur, razdason va intaf levtiureem kev tavesik. YunkexaKonaka yunkexa va berpot, koe piskura ke 1904 Dere rupel
Vuestexa
|
 Moek ke taneaf piskuks va berpot bak 1904 | ||||||||||||||||
.svg){kind=icon}