Pyasina (kuksa)

Pyasina
bost
KIRA
Abrotce	817 km-
Kuksaxo	182 000 km²
Bost	Pyasina
Celack	artexo : 2 660 m³/v-
SALT
Klita	Pyasino uzda
Artexo	Kara Bira
Kovoapa	Pura, Agapa, Mokoritto, Tcernaya Iken, Dudipta, Yangoda, Tareya, Binyuda
TAWAVO
Patecta	Rossia

Pyasina ( rossiavon Пясина ) tir bost valentiste Sibiria koe Krasnoyarsk winka ke Rossia.

Salt ke bost

Klita ke Pyasina bost arte 255 km- lente arktikafu naelivamu rone Putorana meftaxo tigir. Abrotce tir vas 817 km male Pyasino uzda, isen bostxo tir vas 182 000 km². Salt geulenton jadion tir aze va Kara bira ke Arktika welfa koo recapa artnir.

Bostxo tir dem data uzda eke lan aptacik gu ota vas 60 000 uldined.

Pyasina bost gitir tapayan mali tena ke lerdeaksat kali teveaksat. Tir aultoves larde inaf celack koe artexo gitir vas 2660 m³/v-.

Kovoa

Nelkafa kovoa ke Pyasina bost tid :

Kotavaf yolt	Rossiavaf yolt	Abrotce ( km- )	Kuksaxo ( km² )	Domega
Tcetirex	Четырех	128	1 010	Taltefa
Tareya	Тарея	309		Taltefa
Binyuda	Бинюда	223		Taltefa
Dudipta	Дудыпта	687	33100	Taltefa
Tcernaya Iken	Черная Икэн			Taltefa
Yangoda	Янгода	288		Taltefa
Pura	Пура	348	28 300	Ronefa
Agapa	Агапа	396	26 000	Ronefa
Mokoritto	Мокоритто	310	4 500	Ronefa

Pyasino uzda

Pyasino uzda ( rossiavon Пясино ) tir winugafa klita ke Pyasina bost. Inafa welma tir vas 735 km². Gitir tapanafa mali saneaksat kali teveaksat. Tir kabaykirapafa.

Norilsk widava, reduyuna ta savera va rumel bak Stalinugal is Gulag bolk arte 15 km- gee uzda tigir.

Dere rupel

► Vexala dem voapa ke Rossia