Recela 28 : Mitsuke (gweta)

Recela 28 : Mitsuke ~ 見附 (JA)


Recela 28 : Mitsuke ( niponavon 見附 ) tir tol-san-lerdeafa gweta ke sposaf gwetak vergumveltkiraf gu 53 recela ke Tōkaidō vawa ( 東海道五十三次之内, Tōkaidō Gojūsan-tsugi no uchi ), zovdayan gan Utagawa Hiroshige niponaf yambik, is taneon piskuyun bak 1833-1834 gan Hōeidō.

Tōkaidō vawa tiyir vawapa wale Edo ( re Tokyo ) tiso kelu ke Shogun patectokilik is Kyoto gindafu kelu ke Nipona. Sareon gu Hiroshige, kotafa soluma tiyir vas mon 500 km- numen lanis koyasik bad mon toloya safta exuleyed.

Hiroshige va varaf gwetak dem 53 recela ke zalor zovdayar. Bata gweta ( Ukiyo-e tazuk ) tir lumkirafa gu 37 × 25 cm- ( ton Oban breviz ). Tir tol-san-anyusteafa ke enk ise va greelt koe Mitsuke kaatoer.

Greelt ke Mitsuke betara

Recela ke Mitsuke ( niponavon 見附宿 ) koe re Iwata widava koe Shizuoka winka tigiyir.

Mitsuke kentalte Tenryū bost tigir. Arte keldacku wale Edo is Kyoto, mon 240 km- arte batu kelu isu banu.

Tir zolonaf greelt ke koyara, ba keldacku is remlapira va tel lozolonaf bost ke patecta, i va bost dis va kaliaf saltap weyonas va kota klapefa remlanira num govidus va kujara. Kuja ta kaiklapira va toloya riskeda ke bost zo kofaver. Mantaf xatoy isteon tigir.

Gweta ke Hiroshige va toloy tiv bene bat xatoy koe taneafa azenta nedir. Nustapon is riwe afigasuteson zo ponayar, ton yona blagutafa conya ( viza is tiv ) va sint gamdasa, is ton yawara va tuvodara va dalafa watsa ( toloy tiv ) koe titefa bareaca ke ewava, is kan radimefa azenta dem xatoy is bana riskeda ke bost lize Hiroshige va brakeska vefar, i va brakeska gikarolana ta divrozara va ilefo aalxo moe bana domega.


Dere rupec betara

53 recela ke Tōkaidō vawa

Stragela betara

  • (en) Carey, Patrick. Rediscovering the Old Tokaido:In the Footsteps of Hiroshige, Global Books UK, 2000, ISBN 1901903109.
  • (en) Chiba, Reiko. Hiroshige's Tokaido in Prints and Poetry, Tuttle, 1982, ISBN 0804802467.
  • (fr) Delay, Nelly, Hiroshige sur la route du Tokaîdo, Éditions Hazan, Paris 2010, ISBN 978-2-7541-0498-2.
  • (fr) Lambert, Gisèle & Bouquillard Jocelyn, Le Tōkaidō d'Hiroshige, Bibliothèque de l'image, 2002, ISBN 2-914239-69-6.
  • (en) Traganou, Jilly. The Tokaido Road: Travelling and Representation in Edo and Meiji Japan. RoutledgeCurzon (2004). ISBN 9780415310918.
  • (fr) Le Tōkaidō : de Tōkyō à Kyōto avec Hiroshige, estampes des 53 relais, Paris, 1981 (estova ke wonara ke Cernuschi tcila, 10-11/1981).

Recela 28 : Mitsuke
見附 (JA)

Recela 28 : Mitsuke
 Yambik Utagawa Hiroshige
 Evla 1833-1834 ( piskura ke Hōeidō )
 Ord Patectoy - ( Ukiyo-e )
 Lingerinda Gweta keve eluxa
 Lum 37 × 25 cm- ( Oban breviz )
 Gwetak 53 recela ke Tōkaidō vawa


53 recela ke Tōkaidō vawa

Mallanixo : Nihonbashi1 : Shinagawa2 : Kawasaki3 : Kanagawa4 : Hodogaya5 : Totsuka6 : Fujisawa7 : Hiratsuka8 : Ōiso9 : Odawara10 : Hakone11 : Mishima12 : Numazu13 : Hara14 : Yoshiwara15 : Kanbara16 : Yui17 : Okitsu18 : Ejiri19 : Fuchū20 : Mariko21 : Okabe22 : Fujieda23 : Shimada24 : Kanaya25 : Nissaka26 : Kakegawa27 : Fukuroi28 : Mitsuke29 : Hamamatsu30 : Maisaka31 : Arai32 : Shirasuka33 : Futagawa34 : Yoshida35 : Goyu36 : Akasaka37 : Fujikawa38 : Okazaki39 : Chiryū40 : Narumi41 : Miya42 : Kuwana43 : Yokkaichi44 : Ishiyakushi45 : Shōno46 : Kameyama47 : Seki48 : Sakashita49 : Tsuchiyama50 : Minakuchi51 : Ishibe52 : Kusatsu53 : ŌtsuArtlanixo : Sanjō Ōhashi

  Tuveli icde Lingeropa