Ridafa wida (suterot)

Ridafa wida Ridafa wida tir stuvaf berpot ke Jules Verne sanegayan bak 1901, tis tana karba ke Yona zultafa koyara nevatum. Vildeks Idjon ice Afrika koe Ubangi merokoluno aalxo, toloy batakaf vestasiky dositan gan tanoy patectolik is tanoy ebeltaf rumeik va megrupena saneta blisa moe aal kosmad. Bat gradilik, i Max Huber francikye is John Cort amerikikye, va sin dizved enide lasugruped kase bantan tid ayaf, ise va sinaf gazik lajukevlanid... Vestasik gan Llanga rumeikye koemudeyene bal koyara koe Kongoa zo dositad. Muka ke bata koyara taneon tiyir dositara va Urdax portugalaf wulaf parloesik, azen stuva tozuwed. Ironokaf dositasik tir Khamis patectolafe nyapesikye sledase is vodjuse va teremta idjon ice govitafa Afrika. Konaka alaakafa zixa tid viele gradilafa balema darpeon liker : Milkava dem dagaf fuzol ; Toloy beicekol : tan va nola gu aal kougar aze me lajutiolter ; Blay dem jidol ( yiwol is zegol belcon ). Koredik John Cort, amerikafe vestasikye : skeusik va tuwavaf opeem. Max Huber, francafe vestasikye : brus tcabanesik. Khamis : nyapesik. Li-Maï : jidolrumeik tis nazbeikye ke Lo-Maï ( gadikye ) is La-Maï ( gadikya ). Llanga, ebeltafe rumeikye : va Li-Maï giwar aze vonon nendar. Johausen, tavesikye : gazik ke jidolafe sane Urdax, portugalafe wulamordasikye : alub-sandafe tis okilik ke teremta. Nugapeyenon gan fuzoltum xonuker. Yunkexa Konaka yunkeka va berpot, koe piskura ke 1901 Dere rupel Jules Verne : Francavaf suterotik ( 1828-1905 ) (fr) Ridafa wida, dene Wikisource ( xantokrent ) Vuestexa

Ridafa wida XANTO Vergumvelt Le Village aérien Sutesik Jules Verne Ava Francava Suterotinda Berpot Evla 1901 betara teza   Tuveli icde Suteroteem  Moek ke taneaf piskuks va berpot bak 1901