Rolmukafa tajda (suterot)
|
Rolmukafa tajda ( englavon The Copper Beeches ) tir berpotam ke Arthur Conan Doyle taneon sanegayan bak 1892 koe Standard Magazine virda az direilanon koe Yona stuva ke Sherlock Holmes berpotamak. VildeksJotafa gedisikya pu Sherlock Holmes va int odiar : tawadayikafa tolonga va viroyapan rundak firvir ede va intaf usuk djukugaber ise va kona guzekara ke unesik djuprokalveger. Fure naler da tan berk ke mona tir obledayan. Tere ina denlakir nume kosmar da kontan ape zo guaptar. Holmes is Watson dere lakid aze ba miel va mona anjed. Va fenkuyuna trivaga koe obledayana olkoba is bilap koe matela anton trasid. Pilkotikye dimlanir aze va sus vakolap mesinkayan djukunyur voxe ganon zo dilfur. Kwikya welidar da inye va nazbeikya al kobudeyer enide ina me rokureyer nume va tufaki me rotimaxuyur, nume va vektasa yikya al segeyer enide jupayar da inaf aguntanik foliyir da al zo drasuyur. Voxen bantan va ina milsielon al lajuyatesiyir. YunkexaKonaka yunkexa va berpotam, koe sanegasa virda bak 1892 : Dere rupel
Vuestexa
|
 Tana yunkexa ke taneaf piskuks va berpotam bak 1892 | ||||||||||||||||
.svg){kind=icon}