Stakera ke Đắk Sơn

Stakera ke Đắk Sơn tir stakera skuyuna gan Vedeyaf Redjel ta Tunuyara va Vietnama ( Việt Cộng ) bal geja ke Vietnama koe Đắk Sơn wida tigisa koe Đắk Lắk meftavafa winka koe Geefa Vietnama. Tegi Ba 05/12/1967 bal estesa brinuga kev Đắk Sơn widel, toloy Việt Cộng vorn va 252 wideytik nuvuson stakeyed. Bat widel va loon 2000 mikrik ke Istefa Jaka vedgobeyer, i va mikrik molyumas va Việt Cộng gejelervolia. Sedme Việt Cộng, mila wida va gelbesik otceyes va in lanviele co kopomayar. Loon 600 gejelik vas wida vanmilenidayad, dilfuson va intaxe kan firdesiko is mesolwison stakeson va blise ayikye isu ayikya isu rumeik. Edje Việt Cộng gejelik viltayad, pune lo irubasik koe reliezak ke intaxe xonukeyed. Abictan lajugelbes koe sidfe koe mona nope divstis feyvikiz zertuyud. Mona umbeyena gan tey moldeyanon zo dimvegeduyud. Abdida Việt Cộng va wida bulur, pune 60 ke 160 moblisik zo klibuyud. Loar wetce vrulutanik zo malstayad. Ewavak Ewava va stakenik Dere rupec ► Geja ke Vietnama Vuestexa Charles A. Krohn, The Last Battalion: Controversies and Casualties of the Battle of Hue, Westport, 1993, bu 30. Ronald H. Spector, After Tet: The Bloodiest Year in Vietnam, New York Free Press, 1993. Olive-Drab, Vietnam War Atrocities, 10/10/2007. Time, The Massacre at Đắk Sơn, 15/12/1967. The VN Center Archive, Vietnam war Atrocities, 2005.

Stakera ke Đắk Sơn Ugal is xo Evla 05/12/1967 Patecta    Vietnama Debala Đắk Sơn wida Ord is jala Ord Stakera bak geja ke Vietnama Jala Wida dem mikraf tawadayik Kosikeem   252 betara teza   Tuveli icde Izvopa