Teza:Xadola/Nelkaf betakseem/08/2019

Vladimir Arsenyev

1872-1930

Rossiaf tawovopik is suterotik

Rossiaf vestasik is suterotik, Vladimir Klavdiyevitc Arsenyev ( rossiavon Владимир Клавдиевич Арсеньев ) ba 29/08/1872 koe Sankt-Peterburg koblir. Tawovopaf fayik ke gindafa rossiafa ervolia, va liwotara is mikrara va Primorye gola sure xaadayana gan Sinia pu Rossia gan gindik bak 1902 mbi vuidar. Va mon tol-sanoya ara brinuga bak baroya direfa sanda di skur, munesteteson koe coyunta ware grupensena ke rossiafa sumefa roneka. Abduaneyara malskuyuna remi batyona brinuga, jontikviele yunkeyena gu afigasuteks, va tawavopa is blira ke patectolaf sanelieem is dere ruxeem is dunoleem tulon tikid. Wali 1918 is 1921, bak wideytafa geja, tir ramisavik ke sedielafe Sokasane ke Sumefa Roneka ta mikraf lekeem. Nope konaka laxa koe Nipona is tanoya brinuga do Toriorusa niponaf vestasik teni 1920-e sanda, Vladimir Arsenyev va toidera joke volnik gan stalinafa vertuma mbi kagar. Gu xonukera zo lanzar ise inafa yasa di zo onkar. Vladimir Arsenyev koe Vladivostok ba 30/09/1930 mulufteyer. Inafa mona koe bata widava al vanpir tcila. Dersu Uzala Inaf losposaf suterot, Дерсу Узала, tir barneva ton baroya karba : По Уссурийскому Краю (1921) – Rem Ussuri gola Дерсу Узала Из воспоминаний о путешествиях по Уссурийскому краю в 1907 г. Владивосток (1923) – Dersu Uzala В горах Сихотэ-Алиня (1937) – Koe Sixote-Alin rodega

Vladimir Arsenyev  Koblira  29/08/1872,  Sankt Peterburg, Rossia  Awalkera  04/09/1930,  Vladivostok, Rossia  Vedeyot Rossia  Eba Tawovopik   Grabom  Dersu Uzala