Tildesa tolda (suterot)
|
Tildesa tolda tir stuvaf berpot ke Jules Verne sanegayan bak 1888, tis tana karba ke Yona zultafa koyara nevatum. VildeksSan-balemoye rumeikye klaafe gu anyustda ik san-balemda is tise ravesik ke Chairman olda ke Newzelanda koe Sloughi tota tigid. Tota dantaler aze kev letafa ewala ke Pacifika welfa fure bopelawer. Sinafa blira adre zo grustar ise tukiewawer, do tane jotafe birelikye tise antaf mobliyis drigik, voxen kevlaca dene doda loloon vonewed. Solpera fu sokir viele tozekik va domega domud, kovebason da rumeikeem liketeson va int katanar. Ba 10/03/1860 va ewala al artlapiyid aze ba 05/02/1862 buluyud, numen vergumvelt vas « Tildes tolda » tir. DrunaraBerpot va ordafa ra ke « twavopaf berpot » kanarir. Ageltucafa Hanover ewala tir amidackafa gu tela gestana gan Jules Verne. Pilkovon, krimta ke Hanover ewala tir volopelafa loon dam Chairman ewala isen lae tir ontinafe loon dam koe sorda. Blisa gedruca tir kulapafa vox geltrevansafa nope levaykana tigira ke ewala. Voxe malsavenon gan gradilik ke berpot. YunkexaKonaka yunkexa va berpot, koe piskura ke 1888 Dere rupel
Vuestexa
|
 Moek ke taneaf piskuks va berpot bak 1888 | ||||||||||||||||
.svg){kind=icon}