Tropakirafa ewala (suterot)

**Tropakirafa ewala**
	XANTO
	XANTO
Vergumvelt	L'Île à hélice
Sutesik	Jules Verne
Ava	Francava
Suterotinda	Berpot
Evla	1895
betara	teza

Tropakirafa ewala

Tropakirafa ewala tir opasordaf berpot ke Jules Verne sanegayan bak 1895, tis tana karba ke Yona zultafa koyara nevatum.

Vildeks

Watsa

Berpot va izva ke francafa lexusa balema moe Standard-Island ezasa ewala abduplatina gan tropalatum kareizur. Bata ezasa ewala vas Milliard City widava nelkon ruldar, lize ant kulik belundas va kotcoba tiskana gan tral irubad. Jules Verne va koyara ke bata ewala koe Pacifika welfa pimtar.

Koredik

Lexusa balema :
- Sébastien Zorn : dingeltokusikye
- Frascolin : dingeltusikye, dalaf usik
- Yvernès : dingeltusikye, dilaf usik
- Pinchinat : alto dingeltusikye

Fiukap

Ewala gan govitol ( snavol is negova is aryona govitolinda ) vanstayan gan yotafa Engla zo tolgenir ( 20^-e luz ).
Ayiktoraf vitiik va Pinchinat gralomed ( 23^-e luz ).
Ervokiraf tozekiktum mallapin va Vanuatua is dirgan gan Sarol, va ewala latolgenir ( 25^-e luz ).

Renarupa

Ewala tir dem toloya pakava: bata protestantevafa is bana katalikevafa dile sinton kevusa. Toloya lokulafa yasa va kota pakava felid. Kontanye is kontanya ke bata toloya yasa tid renasa.

Dum arak ke berpoteem ke Jules Verne, batcoba tir rena vols ske : toloy renasik va dotrakura ke yasa ked aze vielu kottan tir seylaf, pune va kurera keon ked kore ina jontikviele ristulon zo obukar.

Tena ke neva

Tena ke neva va rotatrakurevaf Jules Verne nedir : sanelia ke ezasa widava tir dem toloya grelta.

Sinafa rotisa megildura va tenule nekir. Ezasa widava koe tamba ke welfa ile kota kazafa vawa merogadenon lutcer. Ewala ton konaki ki ilgluyar : tani ki wan tir gijackafi nume va irubasikeem ke ewala rotemuder. In va seltay tere rotartnir.

Yunkexa

Konaka yunkexa va berpot, koe piskura ke 1895

Dere rupel

Jules Verne : Francavaf suterotik ( 1828-1895 )
(fr) Tropakirafa ewala, dene Wikisource ( xantokrent )

Vuestexa

Tuveli icde Suteroteem