Urbera va Amerika (suterot)
|
Urbera va Amerika tir
ikaizvaf VildeksPhilip Roth jotaf perdaf yudik va konarira va roti gan Charles Lindbergh pwader, i gan Lindbergh proges va Nazi vertuma ke Adolf Hitler. Mali taneafa dewitca, taneagadesik culimer da amerikaf yudik kev Hitler djukogejad, va giopafa is forteyotafa geja kunte patecta co djumaskid. Dace arti abica safta va diliuk merelingas va Germana sugdar. Edje yudafa yasa va batyona kevyudafa dewitca dwid, pune arak ke sanelia gan Lindbergh korobik zo gralomyer, i gan taneaf korik antion is mesoktason talayas mal New York kal Paris. Aksat tiskid ; Alvin kosayikye ke pwadesik, lyumatason va milk ke Hitler ko Europa vox meeruyuson va boyara ke yasa, va kanadafa sidafa ervolia djukuvilter. Kadimion yasa va twa ke kanadaf fayik daktes va bakara va Alvin doalieyes kazawar. Gu nimat zo vigaber nume koe sayakafe ropexe jonvieler. Numen Alvin dim vo wander ise nekev kreca va debala figon tcizar. Batedje Evelyn ziavikya ke Philip va Bengelsdorf yudalkevaf gertik tunar, i va pokeik ke Lindbergh tis vuestesik koe Amerika, aze pomar. Lansielon taneagadesik va sin ko Batakafa Mona keni lane germanafe jadiwafe fayikye is kurenikya ta sielestura ganer. Yudafa sanelia zo bager solve Evelyn is gertik obransad. Kanaca zobesa va Lindbergh va Roosevelt kotote malyopad. Neken tanoy felusik me tir ke xali : Walter Winchell rankes va vertuma ke Tanarasokeem gu « Dratcera va yudikeem »; torigir da « tel lokiewaf nik ke Hitler » va to roti gir. Winchell gu oviskik is dasotik gan lok ke sanelia kalion zo pestaler. Ant yudafa sanelia va inyon kaliks folir nume va stekefa dilizera kivar. Bat felusik va yudfimeva is « stekefo rezgalexo » koe Amerika volunt pulvir. Aksat tiskid, Evelyn is Bengelsdorf gertik va abdumimaks yoltkiraf gu « Korik vanmiae aryon » koinked enide yudafa yasa di folid da kotcoba dilizecker. Ta batcoba koyara den emudesa yasa pu rumeik zo draged. Sandy nutikye ke Evelyn va yasa ke kristevaf barnik ke Kentucky galdolk denlapir. Viele arti konaka safta di dimlapir, pune inafa linulara re tir amidapafa numen ini nutir soltawayani. Kavanara ke gertik is taneagadesik valeyon va trakurinda ke Sandy wandi turestar. Ini va intafa yasa toz kevpulvir, i va yasa vudesina gan rietara va Nazi Amerika. Alvin va batcoba beomar nume trasitison va kobara ko New York lapir. Lindbergh mali tolda is acku va roti gir viele tilik ke Herman gadikye ke pwadesik dakter da yaseem ke dalintafa ja ko konak galdolk kotliz fu zo betuked. Larde ja va vug yudaf unenik uner, pune batcoba gu yovara va grilizukara is tutcastara va doda zo pestaler. Nik ke Roth yasa ko Kanada yated solve lok ke arak ke doda me pumbar. Herman luxeon djukugriflir enide me di grilizukar. Bam va dolexo gu yultburesik segur. Voxen erba toz tir zvak tove Roth yasa. Beka Sandy mali abica safta gin aldur, pune rietara va yatera ko Kanada zo obukar. Tire taneagadesik va budera va joweem su gorar ise va vegungafa patecta gu kogejara dratcer. Va gaderopaf volnik toz dikir isen Walter Winchell felusik impavantar nume va direaca di libudar. Edje Winchell re tis vuestesik ke yudikeem ko yona widavapa ke patecta toz flikoyar, pune inaf kevkalisik toz vanyed tizaf. Muska koe patecta saftasafton sokid. Winchell zo adjuber. Wishnow yasa, i savsaf vegungik ke Roth yasa, re irubasa koe Kentucky, gan muska pilkovon zo vanolad : gadikya zo aytar numen Seldon nazbeikye tugadikenjawer. Herman kan direm djukugreler. Arti barka do ine dimlapir. Tere Lindbergh va taneagadesikaf play jovler ise koe twa kowelidar da gan Nazi pakoik al zo nubar. Inafe nazbeikye kigdeyene weti konaka tanda kramon tiyir stolenik ke Hitler numen Charles Lindbergh va kalina poara gonovaskiyir enide nazbeik me di zo klibur. Dere rupel
|
| ||||||||||||||||
.svg){kind=icon}