Vayk

Vayk ( armenavon Վայք ) tir widava is dota ( Vayk Hamaynk ) vageiste Xayastana, iste Vayots Dzor winka. Taneaf yolt ke debak tiyir Soylan, aze Azizbekov wali 1956 is 1994. Vayk arte mon 16 km- rone Yeghegnadzor winkawidot tigir, kenvoke Arpa kuksa. Tawavopa Izva Xanta ke frofara va Vayk debak tir savsapafa voxen wida va jontika elakera isu vilara ke persik ik turkik darpe ugal levgar. Wali XVI-eafa is XVIII-eafa decemda, vema zo jovleyer nume cugeke saneliiskafa. Mali 1828 is rossiafa tunotrara, gola adre gire zo frofar, tulon vey tum dem 30 armenafa yasa xantafa gu Salmas is Khoy valenttalte Irana, tazukatasa va Soylan tawadayafa doda. Vayk dota ton ref tazuk bak 1995 gan kexi winugon zo kizeyer. Sanelia Varafa sanelia ke Vayk dota tir vas 7064 irubasik otulayan bak 2011 moe welmot vas 184 km², trabe for vas 38 ir-/km². Vayk widava miv tir vas 5877 irubasik. Arak ke sanelia koe 4 ara widama soker. Widot is dilafa wida ke Vayk dota tid (2011) : Vayk ( widavaf widot, 5877 ir- ) Arin ( wida, 309 ir- ) Azatek ( wida, 603 ir- ) Por ( wida, 134 ir- ) Zedea ( wida, 141 ir- ) Towara ke sanelia ke Vayk widava (1897-2016) Xantaza : ArmStat Skapa Skapa ke Vayk nelkon tir midusa is rabafa is zanelafa. Ewava Ridaf wiks va Vayk Jadif wiks va Vayk Wiks va Vayk Surp Trdat uja koe Vayk Surp Trdat uja Xatckar utcom koe Vayk Arpa kuksa Vuestexa

Vayk RISTULA Patecta Xayastana   Gola Vayots Dzor winka, Vayk dota Welmot 184 km² SANELIOPA Sanelia 7064 ir- (2011) TAWAVOPA Maneka  39° 41′ 30" L-, 45° 27′ 55" R- Ontine 1300 m- LAPIRA, LIZIBA Bira, kuksa Rid Kelot Vawa