Vebandasik va elekara (suterot)

Vebandasik va elekara Vebandasik va elekara tir berpotam ke Jules Verne sanegayan bak 1871, tis tana karba ke Yona zultafa koyara nevatum. Vildeks Taneaksat ke 1893. Kevoeteson va derokuca ke kilta ko Engla, James Playfair redakik va Atlantika welfa djuremlapir ise va elekara va Charleston djuvebandar lize va yulteem dem ervo gu gojepen rob di rovindar. Voxen koyara tir arpumakirafa : bak Wideytageja, geeka ke Tanarasokeem teyeper. Edje Delphin tota va ewalze monzer, pune lan Crokston is nutikye den drig korundanyad. Fure sinafa linulara tutubizawer. Bat bulaf koyasik va James Playfair gu lodiyelakirafa stuva fu doimpad... Jules Verne va tcilaf berpot firvir, i va berpot dekson kareizun is tarutes va rimek is favafa pimtarapa va gradilik laumasa va bueem ke gubef berpot. Watsa Bat berpotam tir dulapaf gu konaka watsa : Va jadifa linulara ke parloesik gogolas va rotis ziliduks lodam liduca, tulon gu vindara va ervo gu kilta mu amerikaf abdigaldanikeem nedir ; Va taltekafa trakula icde bata wideytageja dere bilder, dem dusiva ke kota neya. Tir dulapaf is kotaves is ebokackaf gu riga, isen gaderopaf uum me tid idja ke nega voxe tuvaraca va rupa ; Lyumara ke italtotara kev gantatotara ( bak alaakafa zixa ke onkara ke englafa gantatota va geekafa wilttota ). Yunkexa Konaka yunkexa va berpotam, koe xantofa piskura, 1865 Dere rupel Jules Verne : Francavaf suterotik ( 1828-1905 ) (fr) Vebandasik va elekara, dene Wikisource ( xantokrent )

Vebandasik va elekara XANTO Vergumvelt Les Forceurs de blocus Sutesik Jules Verne Ava Francava Suterotinda Berpot Evla 1871 betara teza   Tuveli icde Suteroteem  Yunkeks ke berpot skuyun gan Jules Férat