Akangoldunol (Monotremata)

AKANGOLDUNOL Monotremata
giltafa pulara
Bliind	Animalia
Dansok	Chordata
Volveydansok	Vertebrata
Pula	Mammalia
Volveypula	Theria
Tolvolveypula	Eutheria
veem
Monotremata
Bonaparte, 1837
Tuveli icde Sulemopa

Kotavaf sulemaf yoltack : Bat veem vas akangol is gimpol ruldar.

Akangoldunol (Monotremata) tir tan moukolaf veem ( Mammalia pula ). Gan Bonaparte bak 1837 taneon zo pimtayar.

Pimtara

Pulara

Veem dem atoas moukol tir ruldas vas gimpol is akangol. Nope jontika milaca ke perak, akangoldunol wetce tana lotaneakafa moukolafa lospa zo torigir. Tawavofa bumuca ke australiafa gola va inafa moblira ape al nover.

Irubaxo

Dunol ke bat veem koe werda ik aala ik voa ke australiafa gola soblir.

Kira

Bat atoas moukol va alnafo alto besanafo gu puilexa ok broes im is nolakoraf oral ika talgeem sodid. Va trelaf beweem is takama is itameem gidid. Akangoldunolye va nolakorafa varza bene jortak moe rielk ke radiminia sodir.

Nazbalkera

Akangoldunol sokatoar dum perak is zveri. Ba koblira oc tir volgrurojus nume trumanon is abidanon zo gonektudar. Akangol va oceem ko ucom tigis leve gadikyafa dalkava rundar. Vrodesa feela sotir moukotiskafa numen oc kevu jivot ke gadikya rontion mouvar.

Malestura

Akangoldunol sotir talgiskaf nume ba milgugal va sinka kan oral gaboter. Wivga tid lavaf sulem dum lonadunol ik toka ik sidayaf niskiskaf sulem, tulon mical is frunku.

Vexala dem yaseem

Sedme Mammal Species of the World (siatos ke 2005), bat veem vas 2 yasa ruldar :

• Akangol (Tachyglossidae) (Gill, 1872)
• Gimpol (Ornithorhynchidae) (Gray, 1825)

Pulasa vuestexa is xantaza

• (en) vuest- : Mammal Species of the World (v- 3, 2005) : MONOTREMATA (Bonaparte, 1837)
• (en) vuest- : CITES : MONOTREMATA
• (en) vuest- : UICN : veem MONOTREMATA (Bonaparte, 1837)
• (en, fr) vuest- : ITIS : MONOTREMATA (Bonaparte, 1837)
• (en) vuest- : Tree of Life Web Project : MONOTREMATA
• (en) vuest- : Catalogue of Life : MONOTREMATA (Bonaparte, 1837)
• (en) vuest- : Paleobiology Database : MONOTREMATA (Bonaparte, 1837)
• (en) vuest- : Animal Diversity Web : MONOTREMATA
• (en) vuest- : NCBI : MONOTREMATA

Ara vuestexa

• Akangoldunol (Monotremata) dene Wikispecies

Kotavafa vuestesa xantaza

• Kotava winugaf moukolaf ravlemak (Kotava, Latinava, 2019)

Veemeem ke Mammalia (moukoleem)

Veem : Akangoldunol (Monotremata) • Tueskoldunol (Didelphimorphia) • Taruakoldunol (Paucituberculata) • Yuyapoldunol (Microbiotheria) • Tomboldunol (Notoryctemorphia) • Xusoldunol (Dasyuromorphia) • Toradjoldunol (Peramelemorphia) • Tcamoldunol (Diprotodontia) • Wedemoldunol (Afrosoricida) • Ukanoldunol (Macroscelidea) • Sperdoldunol (Tubulidentata) • Nokoldunol (Hyracoidea) • Fuzoldunol (Proboscidea) • Pogdoldunol (Sirenia) • Warkundoldunol (Cingulata) • Mindegoldunol (Pilosa) • Tenecoldunol (Scandentia) • Talakoldunol (Dermoptera) • Jidoldunol (Primates) • Sebadadunol (Rodentia) • Liboldunol (Lagomorpha) • Poegoldunol (Erinaceomorpha) • Elmoldunol (Soricomorpha) • Vesnoldunol (Chiroptera) • Vorbumoldunol (Pholidota) • Cottoradunol (Carnivora) • Barlubekdunol (Perissodactyla) • Tollubekdunol (Artiodactyla) • Megoldunol (Cetacea)   Yaseem is oxieem ke Akangoldunol (Monotremata) Akangol (Tachyglossidae) ⇒ Akangol (Tachyglossus) • Akangol (Zaglossus) | Gimpol (Ornithorhynchidae) ⇒ Gimpol (Ornithorhynchus)