Felipe Alaiz

Felipe Alaiz

1887-1959

Espanavaf arotievaf suterotik

Felipe Alaiz de Pablo, koe Belver de Cinca koe Aragón winka valentrone Espana ba 23/05/1887 koblir. Koe Paris koe Franca ba 08/04/1959 awalker. Tiyir espanavaf suterotik is kalespanavik is felusik ke nuyevaf lizor.^[1].

Blirizva

Felipe Alaiz koe Lleida az Huesca az Zaragoza vayar. Va La Reviste de Aragón virda ( Zaragoza, 1914 ) remi tolda gader. Mali jotugal va sayudasa felura ektudar, kali awalkera. Tir tavesik va suteroteem dene Liceo Escolar de Lérida gaaropafa olda. Banlize va aryon jotaf tavesik dum Joaquín Maurín is Víctor Colomer rungruper.

Wali 1918 is 1920, ganenon gan José Ortega y Gasset va El Sol fela ke Madrid dokobar.^[2]^[3].

Felipe Alaiz va suterotafa brunafa blira koe Madrid ise va Pío Baroja is Eugenio d'Ors kakever. Kadimion va Barcelona koirubar lize va Revista Nueva virda gader ise koe flint va Quinet berpot suter.

Bak to 1920 va Vedeyafa Abdigalda ke Kobara vanfir aze kali awalkera nekev zolonafa atatcera di dositar.^[3].

Bak Toleafe Espanafe Sokasane, va Revista Blanca virda dokobar ise va grabom ke Max Nettlau arotievaf izvopik kalespanavar.

Bak 1931 do Ramón Acín Aquilué tir askisik va abdumimaks va Tcila ke Kobara ektuna gu sanefa blira ke sane ke Aragón gola. Va « kevyambafa » tirka bam nendar.^[4].

Felipe Alaiz va zolonafa arotievafa fela dum Tierra y Libertad is Solidaridad obrera gader.^[5].

Mu Los Solidarios rega reduyuna gan Buenaventura Durruti is Joan García Oliver is Francisco Ascaso suter.^[6] Kaikion tove bat sayudas tum di vanyer malyopas.^[7]

Va berpot ( Quinet, María se me fuga de la novela ) is suterotaf ok yambaf malyopaks ( El arte de escribir sin arte ~ "Yambiskafa sutesa yamba" ~ vayarundeks kev murkuca ke glastaf suteroteem ; Tipos españoles ; Arte Accesible ) suter ise va Upton Sinclair is John Dos Passos is Herbert George Wells kalespanavar.

Nope arotievafa kotirkara, konakviele zo soper aze zo koflintar ise zo zersar. Bak 1939 moi cenera ke Franco tici Espanafa Wideytafa Geja ko Franca va int galovon lajudivblir. Bak 1948 va neva kev Stalin sanegar.

Va ironokafa blisa tolsanda koe Franca tiskir. Bak 1959 koe Paris ankuton awalker.

Yambiskafa sutesa yamba

Sanegayan bak 1930^-e sanda, El arte de escribir sin arte vayarundeks va lana envara va suteroteem muxar, i va muxara plekasa va lana suterinda isu belirinda ile glastafa giltira anton viunsusa va dilintaf dulap isu tamava. Alaiz va tciamaca is martigafa plencara xatcackasa va ageltuca kerektar. « Volto ayik dum fenkuna neva gopulvir voxen to neva dum ayik. »

Sanegaks

Grabom is sanegaks ke Felipe Alaiz

Berpot is vayarundeks

Quinet, (1924)
Tipos españoles, (1962 az 1965)
El arte de escribir sin arte, (2012), ISBN 9788415441120.
La zarpa de Stalin sobre Europa, Toulouse, Páginas Libres, 1948
Hacia una Federación de Autonomías Ibéricas
Historia de la Literatura desde El Cid hasta hoy
Grandeza y miseria del siglo XIX
Diccionario de modismos entre Aragón y Cataluña
Lord Byron y su influencia en el romanticismo español
Estudios de toponimia comarcal
Monografía del trigo
Testimonios de un libertario, (1976).

Vuestexa

↑ (fr) Felipe Alaíz (1887-1959), une des plumes les plus brillantes du mouvement libertaire espagnol, Paolo Gobetti, Un entretien avec José Peirats (juin 1976), À contretemps, n° 25, 01/2007, straga.
↑ (es) María Carme Alerm Felipe Alaiz de Pablo (1887-1959) Elpasajero.com
↑ ^3,0 et ^3,1 (es) Fundación Ramón y Katia Acín : Felipe Alaiz de Pablo (Belver de Cinca, Huesca, 1887 - París, 1959).
↑ (es) Manuel Sánchez Oms, Pedagogía y positivismo - Ramón Acín, Ricardo Compairé y la fotografía, AACADigital, Revista de la Asociación Aragonesa de Críticos de Arte, n°10, 2010, belira.
↑ (fr) François Godicheau, La Guerre d'Espagne : République et révolution en Catalogne (1936-1939), Éd. Odile Jacob, 2004, bu 159.
↑ (fr) Abel Paz, Durruti, un anarchiste espagnol. Biographie. Éd. Quai Voltaire, 1993, bu 58.
↑ (fr) César M. Lorenzo, Les anarchistes espagnols et le pouvoir (1868-1969), Le Seuil, Paris, 1969, bu 64.