Fuzol (Loxodonta africana)

Fuzol Loxodonta africana
blisa katca / sulem
giltafa pulara
Bliind	Animalia
Dansok	Chordata
Volveydansok	Vertebrata
Pula	Mammalia
Volveypula	Theria
Tolvolveypula	Eutheria
Veem	Proboscidea
Yasa	Elephantidae
oxi
Loxodonta
Anonymous, 1827
katca
Loxodonta africana
Blumenbach, 1797 kira Abrotce   4 - 5 m- Rane 4 m- Aldo 4 decitor Ault trelaf Sinka gama is luca is almuk is toa is werd
Tuveli icde Sulemopa

Fuzol (Loxodonta africana) tir tana katca ke Loxodonta oxi vey Elephantidae yasa ke PROBOSCIDEA veem.

Tigira ke katca koe Afrika

Gan Blumenbach bak 1797 taneon zo pimtayar.

Pimtara

Fuzol sotir an ref ontinaf sidaf moukol, kire va rane vas 4 m- is aldo vas loon balemoy decitor rodir. Va oblakapeem ( gijaf dum ayik ) dere sodir, i va oblaka dure zekana is pilkovon ton elogasa sugda ik noglotuca. Inafa lodordafa kira tir gevas pez, i sokra zanudasa va jonflis gorack : ta kagaelara is gelavara va lava is wetce uzatca novesa va ebidura va toa ke aal.

Inafa taka tir gijapafa vox tubagana gan jontika betsava tigisa koe niska ke oria. Kota inia abrotcafa is belafa dum briva va konak merowin gelt is otsafa blodja sodir.

Alma ke bat sulem sotir vafa gu 2 cm- is besanafa gu tibutaf is tritapaf imolk, i gu imolk loon razaf bene taka is ault is itowa.

Ara ordafa kira ke fuzol tir talgaveem, i ticef sebadeem gijapaf tigis voke sokra. Goldeon, fuzol gan tcabanesik goxe dun zo laiter, golde tciamugafa wula tulon malsavena ta iara va roga is yambamuka...

Vexala dem apteem

Sedme Mammal Species of the World (siatos ke 2005), bata katca tir aptiskafa.

Pulasa vuestexa is xantaza

• (en) vuest- : Mammal Species of the World (v- 3, 2005) : Loxodonta africana (Blumenbach, 1797)
• (en) vuest- : CITES : Loxodonta africana
• (en) vuest- : UICN : katca Loxodonta africana (Blumenbach, 1797)
• (en, fr) vuest- : ITIS : Loxodonta africana (Blumenbach, 1797)
• (en) vuest- : Tree of Life Web Project : Loxodonta africana
• (en) vuest- : Catalogue of Life : Loxodonta africana (Blumenbach, 1797)
• (en) vuest- : Paleobiology Database : Loxodonta africana (Blumenbach, 1797)
• (en) vuest- : Animal Diversity Web : Loxodonta africana
• (en) vuest- : NCBI : Loxodonta africana

Ara vuestexa

• Fuzol (Loxodonta africana) dene Wikispecies

Kotavafa vuestesa xantaza

• Kotava winugaf moukolaf ravlemak (Kotava, Latinava, 2019)

	Yaseem is oxieem ke Fuzoldunol (Proboscidea)
Fuzol (Elephantidae) ⇒ Fuzol (Elephas) • Fuzol (Loxodonta) • Melmakol (Mammuthus)   Katceem is apteem ke Fuzol (Loxodonta) Fuzol (Loxodonta africana) | Fuzol (Loxodonta cyclotis)