Kudjotya ke Hohle Fels

Kudjotya ke Hohle Fels tir kudjot, is rotis ayikyaf kaatoeks, ke Abdiizvugal evlon gu Jotaf Lekeraporugal. Pimtara Kudjotya ke Hohle Fels ( okon Kudjotya ke Schelklingen ) tir kudjot kaatoes va ayikya. Bak lerdeaksat ke 2008 gan Nicholas Conard rawopik koe Hohle Fels arula tigisa poke Schelklingen vagee Germana zo divtawayar. Inafa evla tir vas loon 35 000 tanda isen abdiizvugalafa araya kle tir Aurignac Sare. Banugale koe bata gola Neandertal, ayik taneakon kereles va xo, is witik tore artlanis ko istefa Europa koo krant ke Donau bost tozi Jotaf Lekeraporugal, doirubayad. Isen bata arula gan Neandertal ayik az witik arti mon 2000 tanda zo kereleyer. Bata kosmara va evla ke tel losavsaf abdiizvugalaf balumaks num tela losavsafa volasa yambaxa gu konaka decitda ilplatir, exoneson da batman grot remi kotafe Aurignac Sare zo warzeyed. Kudjama tir mon varafa : taltefa epita isu ma anton tid enjafa. Kota ikrakolma ( moueem is penayeem is lanca ) tir ebdeeyena kapbure arak ke alto, iskiren taka me krulder. Bana ina gan meistef maserk zo ikaplekukur. Inafa lamenuca tiaver da kudjot co rotir risu diskinu ton skunderi Aldo ke kudjama tir vas 33.3 g- isen ontine tir vas 5.97 cm- isen mante vas 3.46 cm-. Ina kum wula ke melmakolafa talgava zo balumayar. Kudjot va zidaf glarpuks wale moueem is awoskotsa nedir. Milafa tcala keve ge ke kudjama dere tigid. Dere rupec Lekeraporugalafa kudjotya Kudjotya ke Willendorf Kudjotya ke Galgenberg Vuestexa Nicholas J. Conard : A female figurine from the basal Aurignacian of Hohle Fels Cave in southwestern Germany. In: Nature, Band 459, 2009, S. 248–252. (online, PDF) Nicholas J. Conard, Stefanie Kölbl : Die Venus vom Hohle Fels. Fundstücke 1 (Museumsheft 9), Urgeschichtliches Museum Blaubeuren, 2010. ISSN 1617-2655 Georg Hiller is Stefanie Kölbl : Welt-Kult-Ur-Sprung, Jan Thorbecke Verlag, Ulm 2016, ISBN 978 3 7995 1168 1, Kapitel Venus vom Hohle Fels, S. 38–39 ( german- is engl- ) Martin Porr : The Hohle Fels 'Venus’: Some Remarks on Animals, Humans and Metaphorical Relationships in Early Upper Palaeolithic Art. In: Rock Art Research, Band 27, Heft 2, 2010, S. 147–159 (banliz)

Kudjotya ke Hohle Fels KOSMARA Kosmaxo Hohle Fels Germana   Maneka 48°22′ L-, 9°45′ R- EVLARA Sare Aurignac Sare Evla 35 000 AR tanda KIRA Gije 5.97 cm-   Tuveli icde Izvopa    Tuveli icde Yamba  Lekeraporugalafa kudjotya Gravette Sare Kudjotya ke Vogelherd • Kudjotya ke Savignano • Kudjotya ke Kostyonki • Kudjotya ke Moravany • Kudjotya ke Renancourt • Kudjotya ke Brassempouy • Kudjotya ke Willendorf • Kudjotya ke Lespugue • Kudjotya ke Laussel • Kudjotya ke Dolní Věstonice Aurignac Sare Kudjotya ke Galgenberg • Kudjotya ke Hohle Fels