Nathaniel Hawthorne

Nathaniel Hawthorne

1804-1864

Englavaf amerikaf suterotik

Salem koe Massachussetts soka, 1804 - Plymouth koe Massachussets soka, 1864, Tanarasokeem. Nathaniel Hawthorne waveon tir gadikyeiskaf. Koe diksuapafa yasa zo gaar lize teni 17-eafa decemda tan abdigadik, Hathorne malyesik, al tiyir kotgrupaf brazasik va diwedikya. Dustulene gan uum va rotuca, Nathaniel Hawthorne, kan sutera lokon koe tacukaxo, va gunuca ke diksuafa gloga djumalingeyer. Vani raverugal, ta vayara va sutera, va sostarafa santolda muper. Kaiki bat tazukarugal, va konak reiz isu warzot isu berpot sanegar. Taneafa larma Yon tolon pwaden reiz bak 1837 az Kerukafa twa tel logrupen berpot bak 1850 zo piskud. Poe va inafi warlafi rali kiavar ise Melville mafelar. Bak 1853 ine wetce ikapermik koe Liverpool ke Engla balemdon zo yoltar, aze mali 1857 kali 1859 koe Firenze ke Italia az Roma va mili fli ksuber. Viele ko Tanarasokeem dimlapir, galuca bupilkawer. Ine va Faunus kum trilna ( 1860 ) ware sanegar ise va metenukeyen tacukaf berpot. Ba 18/05/1864 awalker.

Nathaniel Hawthorne  Koblira  04/07/1804,  Salem, Tanarasokeem  Awalkera  19/05/1864,  Plymouth, Tanarasokeem  Vedeyot  Tanarasokeem  Ava  Englava  Suterind  Berpot, Berpotam   Suterot  Berpot : Fanshawe, 1828 The Scarlet Letter, Kerukafa twa, 1850 The House of the Seven Gables, 1851 The Blithedale Romance, 1852 The minotaure,1853 The Marble Faun, 1860 Berpotam : My Kinsman, Major Molineux, 1832 Young Goodman Brown, 1835 The White Old Maid, 1835 The Minister's Black Veil, 1836 Dr. Heidegger's Experiment, 1837 The Birth-Mark, 1843 Rappaccini's Daughter, 1846 Mosses from an Old Manse, 1846 Twice-Told Tales, 1851 The Snow-Image, and Other Twice-Told Tales, 1852   Tuveli icde Suteroteem