Nazbeikeem ke Grant redakik (suterot)

**Nazbeikeem ke Grant redakik**
	XANTO
	XANTO
Vergumvelt	Les Enfants du capitaine Grant
Sutesik	Jules Verne
Ava	Francava
Suterotinda	Berpot
Evla	1868
betara	teza

Nazbeikeem ke Grant redakik

Nazbeikeem ke Grant redakik tir stuvaf berpot ke Jules Verne sanegayan bak 1868, tis tana karba ke Yona zultafa koyara nevatum.

Vildeks

Pona ke bat berpot tir jonbarafa : Geefa Amerika az Pacifika welfa az Australia. Glenarvan O^-ye is drig koe Duncan wilttota totad. Koe uvoona ke onayan ricol, va tirac dem piksesa staksa suteyena gan Grant redakik trasid. Staksa tir vibayana gan abda numen konaka pinta tid enja, voxen in moe 37^-eaf laksiwak efe tigir. Sin do nazbeikeem ke griawisik va koyarapa anam tamava keno 37^-eaf laksiwak bokad numaze va Geefa Amerika az Australia remlakid, az Newzelanda lize gan ayiktorik zo kostoled. Tire Grant redakik to koe ironokaf butum zo katrasir. Tan loferimaf koredik ke tame ke Verne tickir Jacques Paganel tavesik tis francik ewarapaf eke va rotafa tota rundanyar ise va Portugalava toz raver, trakuson da bata ava tir Espanava. Bat grupeik tickir ikapulvisik ke Jules Verne bak prilara icde tawavopa is izva ke worana patecta. Konak koredik koe diref berpot gire tigid, tulon Ayrton ikorik koe Bulafa ewala berpot.

Watsa ke berpot

Loa inafa watsa tid sokisafa koe grabomeem ke Jules Verne.

Kaaneyara va abegik ( watsa dere tigisa koe Branican weltikya berpot )
Karolara va tawavopa is koyara ( kan Paganel koredik )
Vestara va mevestayan is grupejen siday
Ayiktoruca
Trumara va gaaropa viwazena gan Paganel ( tulon bal namidjafa zixa ke tawavopafa tavera pu Toliné ravesik )
Kawopa ( worara va kawaf dotay ), watsa dere tigisa koe Koyara ist Tawava berpot
Tamava wina ton wenya