Nevoyol (Rupicapra rupicapra)

Nevoyol Rupicapra rupicapra
blisa katca / sulem
giltafa pulara
Bliind	Animalia
Dansok	Chordata
Volveydansok	Vertebrata
Pula	Mammalia
Volveypula	Theria
Tolvolveypula	Eutheria
Veem	Artiodactyla
Yasa	Bovidae
Volveyyasa	Caprinae
oxi
Rupicapra
de Blainville, 1816
katca
Rupicapra rupicapra
Linnaeus, 1758
Tuveli icde Sulemopa

Nevoyol (Rupicapra rupicapra) tir tana moukolafa katca ke Rupicapra oxi vey Bovidae yasa ( Caprinae volveyyasa ) ke ARTIODACTYLA veem.

Tigira ke katca koe Europa is Asia

Gan Linnaeus bak 1758 taneon zo pimtayar.

Pimtara

Nevoyol tir prantaf is ubaf tollubekdunol. Inaf ulim tir zegodaf is reltakoraf, berga vas mialukaf lum, taka bargentimafa dem vwepaf itapeem is pinackaf oblakeem. Inieem dere tir ubaf ; krizeem tir divpaklanapaf ton nite kum olgaf loy. Inaf gem cadimeon almotcer : idulugalon tir trelaf is tcurtaf, beretraf ok blakeraf ok jemakaf ; fentugalon im tir lodabrotcaf is lovaf ton orikaberetrafa ok lukoptebeltafa uka. Pezay soe sotir zwaf is batakablafotamaf dem adalafa ebeltafa xatcaxa. Sulemye is sulemya va noleem abrotcaf vas cugon 30 ik 32 cm- sodid.

Nevoyol tir xantaf gu Europa is Pokefa Asia. Gu Newzelanda zo koplekuyur. Tice meftava kaike kima ke aala blir, moe werdxopo is pistxo ke Alp rodega. Soe van lodomaf seg gititlanir ise va ugal koe aala tiskipir.

Nevoyol va webek dalon malestur ise va wiputafo baspexo ke ontinafa meftava muler. Bak fentugal voxis idulugal tod blira koe aala, va toa is anga trasina koe berip dere malestur. Nevoyol tir doblis is eyapaf dunol. Lantode milkava vas konak decemoy olkik roruldar. Soe lotode ota tir vas sana ik tol-sana. Arti ocagugalam nevoyolya va tanoy oc nazbar, i va oc rodekadimelanis va gadikya arti oxam abic bartiv moi koblira.

Lerdoya grupena nevoyolafa apta ( ok sanoya sedme konak sulemopik ) krulded, blisa koe meftava ke Europa is Pokefa Asia. Rupicapra rupicapra rupicapra apta koe Alp rodega male Franca kale Xrvatska blir. Ara apta ( Rup- rup- balcanica ) koe Bosna is Skipera is Makedonia is Ellasa blir. Koe Karpatos rodega isu Kavkaz, Rup- rup- carpatica apta isu Rup- rup- caucasica blid. Koe Franca, va Rup- rup- cartusiana trasit. Rup- rup- pyrenaica espanafa apta isu Rup- rup- cantabrica va konaka dofa kira did ( i va tulon batakaf segap keve berga dem ebeltaf dom ) is Rup- rup- ornata apta iste Italia. Tanoya asiafa apta koe Pokefa Asia re moblir.

Negoyol tir kalvekackaf gu blira koe ontinafa meftava tuke mantapaf is tastaf krizeem is reltaf inieem. Tir tuzapaf vultesik moe lodarestafa pistafa krimpa : arti abica wexa va loon 1000 m- rodevanticlanir. Inafa tuzuca tir urimafa : va milbava moe raporka mantafa lion dam texa gruvider.

Kira

• Veem : Artiodactyla
• Yasa : Bovidae
• Lum : upene vas 90 cm-
• Aldo : 30 ik 50 kg- kare apta
• Talgeem : 32 talga
• Nazbarugal : santaneaksat
• Ocagugal : 6 aksat
• Occek : 1 oc
• Ikralukruca : 2 tanda ke -olya ; 5 tanda ke -olye
• Blirugal : mon 20 tanda

Vexala dem apteem

Sedme Mammal Species of the World (siatos ke 2005), bata katca vas 5 apta ruldar :

• Nevoyol (Rupicapra rupicapra rupicapra) (Linnaeus, 1758)
• Nevoyol (Rupicapra rupicapra asiatica) (Lydekker, 1908)
• Nevoyol (Rupicapra rupicapra balcanica) (Bolkay, 1925)
• Nevoyol (Rupicapra rupicapra carpatica) (Coutourier, 1938)
• Nevoyol (Rupicapra rupicapra tatrica) (Blahout, 1971)

Pulasa vuestexa is xantaza

• (en) vuest- : Mammal Species of the World (v- 3, 2005) : Rupicapra rupicapra (Linnaeus, 1758)
• (en) vuest- : CITES : Rupicapra rupicapra
• (en) vuest- : UICN : katca Rupicapra rupicapra (Linnaeus, 1758)
• (en, fr) vuest- : ITIS : Rupicapra rupicapra (Linnaeus, 1758)
• (en) vuest- : Tree of Life Web Project : Rupicapra rupicapra
• (en) vuest- : Catalogue of Life : Rupicapra rupicapra (Linnaeus, 1758)
• (en) vuest- : Paleobiology Database : Rupicapra rupicapra (Linnaeus, 1758)
• (en) vuest- : Animal Diversity Web : Rupicapra rupicapra
• (en) vuest- : NCBI : Rupicapra rupicapra

Ara vuestexa

• Nevoyol (Rupicapra rupicapra) dene Wikispecies

Kotavafa vuestesa xantaza

• Kotava winugaf moukolaf ravlemak (Kotava, Latinava, 2019)
• Nevoyol dene www.europalingua.eu

Yaseem is oxieem ke Tollubekdunol (Artiodactyla)

Wafibol (Suidae) ⇒ Testol (Babyrousa) • Wafomol (Hylochoerus) • Faol (Phacochoerus) • Wafokol (Potamochoerus) • Wafibol (Sus) | Stukol (Tayassuidae) ⇒ Stukol (Catagonus) • Stukol (Pecari) • Stukol (Tayassu) | Troskol (Hippopotamidae) ⇒ Troskol (Hexaprotodon) • Troskol (Hippopotamus) | Cwol (Camelidae) ⇒ Cwol (Camelus) • Pratcol (Lama) • Bawazol (Vicugna) | Nefasatol (Tragulidae) ⇒ Nefasatol (Hyemoschus) • Nefasatol (Moschiola) • Nefasatol (Tragulus) | Nefasesatol (Moschidae) ⇒ Nefasesatol (Moschus) | Wocol (Cervidae) ⇒ Cpogol (Alces) • Cpogudol (Blastocerus) • Faldol (Capreolus) • Wocukol (Hippocamelus) • Faldukol (Mazama) • Wocokol (Odocoileus) • Wocumol (Ozotoceros) • Guayol (Pudu) • Bedakol (Rangifer) • Kaxtanol (Axis) • Wocol (Cervus) • Wabol (Dama) • Akusumol (Elaphodus) • Wocol (Elaphurus) • Akusumol (Muntiacus) • Wocol (Przewalskium) • Wocol (Rucervus) • Wocol (Rusa) • Faldimol (Hydropotes) | Kinzol (Antilocapridae) ⇒ Kinzol (Antilocapra) | Kustrol (Giraffidae) ⇒ Kustrol (Giraffa) • Zuxol (Okapia) | Jaftol (Bovidae) ⇒ Putcudol (Aepyceros) • Eyundukol (Alcelaphus) • Keyol (Beatragus) • Eyundol (Connochaetes) • Keyol (Damaliscus) • Putcol (Ammodorcas) • Putcumol (Antidorcas) • Putcol (Antilope) • Putcol (Dorcatragus) • Rayol (Eudorcas) • Rayol (Gazella) • Rayol (Litocranius) • Surbol (Madoqua) • Rayol (Nanger) • Surbol (Neotragus) • Surbol (Oreotragus) • Surbol (Ourebia) • Rayol (Procapra) • Surbol (Raphicerus) • Sustol (Saiga) • Gartol (Bison) • Jaftol (Bos) • Asfarol (Boselaphus) • Ayadol (Bubalus) • Inkematol (Pseudoryx) • Ayadukol (Syncerus) • Frempol (Taurotragus) • Asfarol (Tetracerus) • Putcuvol (Tragelaphus) • Blizdekol (Ammotragus) • Deaxipol (Budorcas) • Deaxol (Capra) • Rivol (Capricornis) • Rivol (Hemitragus) • Rivol (Naemorhedus) • Rivukol (Oreamnos) • Rivebol (Ovibos) • Blizdol (Ovis) • Nevoyukol (Pantholops) • Deaxukol (Pseudois) • Nevoyol (Rupicapra) • Putcuxol (Cephalophus) • Putcuxol (Philantomba) • Putcuxol (Sylvicapra) • Putcungol (Addax) • Putcungol (Hippotragus) • Putcungol (Oryx) • Putcukol (Kobus) • Putcukol (Pelea) • Putcukol (Redunca)   Katceem is apteem ke Nevoyol (Rupicapra) Nevoyol (Rupicapra pyrenaica) ⇒ Nevoyol (Rupicapra pyrenaica pyrenaica) • Nevoyol (Rupicapra pyrenaica ornata) | Nevoyol (Rupicapra rupicapra) ⇒ Nevoyol (Rupicapra rupicapra rupicapra) • Nevoyol (Rupicapra rupicapra asiatica) • Nevoyol (Rupicapra rupicapra balcanica) • Nevoyol (Rupicapra rupicapra carpatica) • Nevoyol (Rupicapra rupicapra tatrica)