Spitakavor

Sumuf wiks va tucpastaxe koe govitafa meftafa anameda

Spitakavor ( armenavon Սպիտակավոր ), tir armenafe tucpastaxe tigise arte 7 km- lente Vernashen wida koe Gladzor dota ke Vayots Dzor winka vagee Xayastana.

Tawavopafa debala betara

Spitakavor tucpastaxe moe lentefa datca ke Teksar mefta vwon ice mon 2500 m- tigir. Vansara dir medrikafa, moo arestafa kelda. Pokeon dere tigid :

Proshaberd ralma
Gladzor kotla
Tanahat tucpastaxe

Izva betara

Kolnasa evla ke tucpastaxe tir XIV^-eafa decemda, gan toloy Prochian sersik : uja gan Eatsi zo jafayar aze bak 1321 gan Amir-Hasan nazbeikye zo tenukeyer. Tigison koe taway ke bata sersafa yasa, jontikviele ganon mbi firvir. Tucpastaxe gu « Batakafa Ketikya » ( Spitakavor Astvatsatsin ) zo tarizar. Intafa alkafa reila bak XIV^-eafa decemda kaiki vantenura ke Gladzor kotla tutcumpawer. ^[1]

Spitakavor tucpastaxe

Katicuf wiks	Katituf wiks	Debak

Debak jontikedje zo jovleyer aze bak 1971-1972 bal sovietafe sare zo dimvegeduyur. Xim ke Garegin Njdeh artowasik bak 1983 koeon birgoton zo kotawayar. ^[2]

Kolna betara

Nelkafe xe tid Surp Astvatsatsin uja is tanoy biot, kagluyanaf gu rontagentimaf kusk ( rotir savsafe gavit gijaxe ). Tucpastaxe dere tiyir dem re rawafa rebavega. Vas awalkikxo dere ruldar. ^[3]

Surp Astvatsatsin betara

Surp Astvatsatsin uja tir gamdakorafo tamaxo ^[4] dem tanoya froxapafa vimava dem ticefa akintakorafa truga dem dimempayana feykorafa takaxa ; balumayana zikexa vas volayane fetinte ruldar ^[5]. Koeon va bem xo walwit. Vrepta gu balumaks ^[6] dere zo zikeyer : intafu galzamu gu java ke Kristos zo zikeyer solve galzajolok va redura va Adam vawale balemoy wiltkiraf sulem kaatoer isen ban lingeks vas tel ke ticef cisek ke gavit gijaxe ke Surp Karapet uja koe Noravank laneke vektar.

Surp Astvatsatsin uja

Uja	Vimava ke uja	Ketikya is Nazbeye

Diveon taltefo kolanixo tir dem vamoef cisek kaatoes va Ketikya dem Nazbeye, ke Byzantion martig. Geef lentor isu ronef gu balumayana gamda zo zikeyed. Lentef lentor isu geef tid dem kaatoeks va firvisik : keve bat lentor, Eatsi va Amir-Hasan gu tcabanera kotaver solve keve ban Amir-Hasan moe okol va wivga kan tra is tceka kulmer ^[7], ton martig pokef gu iranaf ik Selçuk kaatoeks ke XIII^-eafa decemda ; bata toloya nakila zo solgabeyed aze bata dene Ermitage tcila ke Sankt-Peterburg is bana dene Izvatcila ke Armena koe Yerevan zo nendoyeyed. ^[8]

Uja is balumakseem pu Momik dile zo gaayad voxen loon nuve tid ke inafa serna. ^[9]

Biot is kusk betara

Biot tir biot enidkiraf gu caxa. ^[10] Vanmadayan bak 1330 mu lan Hovhannes is Tats kurenikya, vas toloy vegem ruldar ; toleaf vegem tir dem galzafa ponyaska valeve tanoy kojok is duseakirafa kepaita.

Biot

Biot	Biot	Valeve biot

Kusk wale taltef kril ke uja is biot tir rontagentimaf ise wali 1321 is 1330 zo vegeduyur ; rotir savsafe gavit gijaxe. Gu ponyaska is kojok zo ingayar. ^[11]

Kusk

Kusk wale uja is biot, savsafe gavit gijaxe	Savsafe gavit gijaxe	Ar wiks va kusk

Ar vegeduks koe debak

Ark ke savsafa vrepta	Ark ke briva	Naboxa koe kusk kendive uja

Zikexa is balumaks

Yon balumaks koe debak	Tuveli	Cisek vamoe tuveli	Gamda kevdive rebava

Dere rupec betara

► Alkaxo ke Xayastana

Spitakavor tucpastaxe

Tucpastaxe

DEBALA

Patecta

Xayastana

Winka

Vayots Dzor winka

Tigixo

Vernashen

Maneka

39° 49′ 47″ L-, 45° 21′ 48″ R-

KIRA

Alka

Armenafa kristeva

Ord

Armenafe tucpastaxe

Vegedura

XIV^-eafa decemda, 1330

Tuveli icde Yamba

Tigixo ke Spitakavor tucpastaxe

Vuestexa betara

↑ (en) Thomas F. Mathews is Avedis Krikor Sanjian, Armenian Gospel Iconography: The Tradition of the Glajor Gospel, Dumbarton Oaks, Washington, 1991, ISBN 978-0-8840-2183-4.
↑ (en) John Brady Kiesling, Rediscovering Armenia : An Archaeological/Touristic Gazetteer and Map Set for the Historical Monuments of Armenia, Yerevan, 2009.
↑ (fr) Sèda Mavian, Arménie, coll. « Guides Évasion », Hachette, Paris, 2006, ISBN 978-2-01-240509-7, bu 183.
↑ (fr) Sèda Mavian, Arménie, coll. « Guides Évasion », Hachette, Paris, 2006, ISBN 978-2-01-240509-7, bu 183.
↑ (fr') Patrick Donabédian is Jean-Michel Thierry, Les arts arméniens, Éditions Mazenod, Paris, 1987, ISBN 2-85088-017-5, bu 578.
↑ (fr) Dédéyan 2007, bu 366.
↑ (en) « Armenian Sculptural Reliefs, HMA n° 1320 », dene Izvatcila ke Armena.
↑ (fr) Jannic Durand is Ioanna Rapti is Dorota Giovannoni, Armenia sacra — Mémoire chrétienne des Arméniens (IVe – XVIIIe siècle), Somogy / Musée du Louvre, Paris, 2007, bu 308.
↑ (fr) Patrick Donabédian is Jean-Michel Thierry, bu 205.
↑ (fr) Patrick Donabédian is Jean-Michel Thierry, bu 198.
↑ (de) Jasmine Dum-Tragut, Armenien: 3000 Jahre Kultur zwischen West und Ost, Trescher Verlag, 2008, ISBN 978-3-89794-126-7, bu 397.

[1] (en) Thomas F. Mathews is Avedis Krikor Sanjian, Armenian Gospel Iconography: The Tradition of the Glajor Gospel, Dumbarton Oaks, Washington, 1991, ISBN 978-0-8840-2183-4.

[2] (en) John Brady Kiesling, Rediscovering Armenia : An Archaeological/Touristic Gazetteer and Map Set for the Historical Monuments of Armenia, Yerevan, 2009.

[3] (fr) Sèda Mavian, Arménie, coll. « Guides Évasion », Hachette, Paris, 2006, ISBN 978-2-01-240509-7, bu 183.

[4] (fr) Sèda Mavian, Arménie, coll. « Guides Évasion », Hachette, Paris, 2006, ISBN 978-2-01-240509-7, bu 183.

[5] (fr') Patrick Donabédian is Jean-Michel Thierry, Les arts arméniens, Éditions Mazenod, Paris, 1987, ISBN 2-85088-017-5, bu 578.

[6] (fr) Dédéyan 2007, bu 366.

[7] (en) « Armenian Sculptural Reliefs, HMA n° 1320 », dene Izvatcila ke Armena.

[8] (fr) Jannic Durand is Ioanna Rapti is Dorota Giovannoni, Armenia sacra — Mémoire chrétienne des Arméniens (IVe – XVIIIe siècle), Somogy / Musée du Louvre, Paris, 2007, bu 308.

[9] (fr) Patrick Donabédian is Jean-Michel Thierry, bu 205.

[10] (fr) Patrick Donabédian is Jean-Michel Thierry, bu 198.

[11] (de) Jasmine Dum-Tragut, Armenien: 3000 Jahre Kultur zwischen West und Ost, Trescher Verlag, 2008, ISBN 978-3-89794-126-7, bu 397.

[1]

[2]

[3]

[4]

[5]

[6]

[7]

[8]

[9]

[10]

[11]