|
Tildera, tawadayikya senyesa moe werd ( francavon Le repos, paysanne couchée dans l'herbe ) tir trutca [1] lumkirafa gu 64.5 × 78 cm-, i puntalingeks keve stama skuyun gan Camille Pissarro francaf lingesik bak 1882.
Bata trutca koe Kunsthalle tcila ke Bremen koe Germana re ( 2018 ) tigir.
Trutca va jotafa tawadayikya senyesa moe levion dolisteyen is divdaakewes nak ke werdxo nedir. Alto ke battanya va adoloda dade ewava tazukar, i va adoloda solparsasa ton toloy seg. Patectoy tir dem kenefa afifa is xufa kelda wale miduxo is govitafo ruxaxo dem amna is luc is aal kadimeon. Abdi tubalkara va tawamidura, nakxo kan dolistesiki zo gabeyed isen batcoba tiyir altokapaf lag. Moi dolistera, werd moe sid kan intafa treda tantazukon zo walmuneyer enide lokalion di turodaweyer.
Senyesikya va djova mo jo al atcer enide va iteem gu awaltarapa ke miafiz nendar, ise aulackon is itabudemeson va int tilder. Intafa kobasa xeka, i olvezasiki, poke ronefa nuba zo rowir. Mecoba va bata aulafa tildera ke miafiz skalter ; kaatoeks va mekar olkik oku sulem oku funesa ra volar. Bato volbrumeweckeso ayalto, ton kotunafa tildera, tir dalafa rulda ke trutca.
Pissarro tuguazaweso va tawamidus dodelik diskis va opelafe vols urmafe vage dun kaatoeyer, metuikrarenason voldum tawadayafa lingeropa ke XVIII-eafa decemda. Va yafa tezikya nope opelafa listuca is gorukafa is kalafa adala narayar, vols mu widavaf saneg. Kiblara to kevaxapasa va abdimalyeks ke inafe sare icde tawadayafa blira tir.
Watsa va Tawadayikya va Camille Pissarro remi klepa koswavayar. Ino va konaka trutca oku siatos lingeyer. Tulon grupet :
► Trutceem ke Pissarro
- (de) Christoph Becker is Wolf Eiermann, Camille Pissarro. Hatje Cantz, 1999, ISBN 3-7757-0855-3.
- (it) Maria Teresa Benedetti, Pissarro, Art dossier, vol. 132, Giunti Editore, 1998, ISBN 8809762592.
- (fr) Nathalia Brodskaya, Camille Pissarro, Parkstone International, 2011 (Internetafa belira).
- (fr) Claire Durand-Ruel Snollaerts, Pissarro : Patriarche des impressionnistes, Paris, Gallimard, coll. « Découvertes Gallimard / Arts », 2012, 128 bu, ISBN 978-2-07-044970-5.
- (fr) Claire Durand-Ruel Snollaerts is Joachim Pissarro, Catalogue critique des peintures, Milan, Paris, Skira, Wildenstein Institute, 2005, 1500 bu, ISBN 978-88-7624-526-8.
- (fr) Christophe Duvivier is Eva-Marina Froitzheim is Wolf Eiermann is Claire Durand-Ruel Snollaerts is Janine Bailly-Hertberg, Camille Pissarro et les peintres de la vallée de l'Oise, Paris, Somogy éditions d'art, 2003, 173 bu, ISBN 2-85056-682-9.
- (de) Gerhard Finckh, Camille Pissarro. Der Vater des Impressionismus, Von der Heydt-Museum Wuppertal, 2014, ISBN 978-3-89202-091-2.
- (fr) Sophie Monneret, L'Impressionnisme et son époque, Paris, Robert Laffont, 1987, 997 bu, ISBN 2-221-05412-1.
- (en) Joachim Pissarro, Camille Pissarro, Paris, Hermé, 1995, ISBN 978-2-86665-175-6.
- (en) John Rewald, Camille Pissarro, Ars mundi, 1989, ISBN 2-86901-052-4.
- (en) Dictionnaire Bénézit, PISSARRO, Camille (1830 - 1903), Painter, watercolourist, pastellist, draughtsman, ISBN 9780199899913) (Internetafa belira).
|
Tildera, tawadayikya
senyesa moe werd
Le repos, paysanne couchée dans l'herbe (FR)
|
|
| Yambik
|
Camille Pissarro
|
| Evla
|
1882
|
| Ord
|
Nakilafa trutca
|
| Lingerinda
|
Puntalingeks keve stama
|
| Lum
|
64.5 × 78 cm-
|
| Tigixo
|
Kunsthalle tcila, Bremen ( Germana )
|
|
|
| Trutceem ke Pissarro
|
| Pontoise
|
|
Matela ke Maubuisson •
Jalais krimpa, Pontoise •
Hermitage koe Pontoise •
Wiks va Hermitage, Gratte-Coqs, Pontoise •
Osny vawa koe Pontoise, tap •
Kuntaxo, Pontoise •
Fossés bedom, Pontoise •
Matela ke widava, Pontoise •
Boeufs krimpa, Pontoise •
Kerafa kepaita, wida fentugalon •
Libolxo, Côte-Saint-Denis koe Pontoise, noldafa keska
|
|
|
_-_1882.jpg)
