Torx suola

Torx suola

Torx tir psoleyena tcala ke lana suolinda isu marninda, kirafa gu bitejkorafa is tevotsafa ekwa. Lantan va bata suolinda gu « bitejkorafa suola » yoltad. Ina kan ISO 10664 zo vodopeyer. Torx is Resistorx is Torx Plus tid psoleyena tcala ke Textron sistu. Breviz bak 1967 zo reduyur.

Bata suolinda leon dam gubefa gamdakorafa suola kildesir. Koe traloopafa raba ( vusiko is robureni sumepulvisiki ikz- ) benelon zo trasir, is pilkovon ta mivaskon ksean bolk ( tulon koe iremiasa raba ). Gan vegedus ebik dere zo faver, vox cugeke gan sanegik golde dropo is jontika amidafa teza.

Lum ke marna ik suola

Lum ke Torx marna iku suola kan bazexa tozafa gu « T » eltay zo zilir : T5 is T10 is T15 is T25 tid tel logiltaf voxen teza lofa gu T100 dere krulded. T5.5 is T35 is T47 aptolon zo faved. Bazexa tozafa gu « E » eltay va suxafa koinga sugdalar isen azafa woda va mil lum dam T siatos ( ralkafa koinga ) me bazecker. Enide suola ok marna me zo laxubupilkad, pune ant marna disa va kalvekaf lum ta suolara ok grisuolara zo gofaver. Tulon E24 suxafa koinga vas xakola ke suolekwa vas 22.13 mm- sovadjer.

Lum	Ø ton mm-	Lum	Ø ton mm-
T 1	0.81	E 4	3.8
T 2	0.93	E 5	4.7
T 3	1.10	E 6	5.7
T 4	1.28	E 7	6.2
T 5	1.42	E 8	7.5
T 6	1.70	E 10	9.4
T 7	1.99	E 11	10.1
T 8	2.31	E 12	11.1
T 9	2.50	E 14	12.9
T 10	2.74	E 16	14.7
T 15	3.27	E 18	16.6
T 20	3.86	E 20	18.4
T 25	4.43	E 24	22.1
T 27	4.99
T 30	5.52
T 35	5.90
T 40	6.30
T 45	7.85
T 50	8.83
T 55	11.22
T 60	13.25
T 70	15.51
T 80	17.54
T 90	19.92
T 100	22.13

Yona inda

Lan siatos lotcizas va djera tir yoltkiraf gu « Torx Tamper Resistant » ( TT bazexa ), taruteteson va merictana nubokera. Batmana suolinda va ralkot tatces va favera va nivafa Torx marna ok azekafi suolasiki isteon dir. Ara yoltinda tid « Torx Resistorx » ok « Security Torx ». Lumeem tid mil dam tel ke Torx.

Ar siatos dere lotcizasa va djera krulder : tir alubotsaf vols tevotsaf.

Ara inda yoltkirafa gu « Torx Plus ( Torx+ )» dere krulder : tir lonoeltafa teza vurolesa tcizasa va logijafa mucura kastason va lamera tuke lana amidamafa koinga ( kota vidila sotir lodazekafa ). Voxnumen Torx+ marna va gubefa Torx koinga mea katir.

Vuestexa

Torx suola

	Titickasa suola
Ludzekirafa • Phillips • Pozidriv • Torx • Allen • Robertson • Tri-Wing • Torq-set • Snake-eye

	Titickaxa
Grunsakirafa	Zarla • Ribakorafo kilbo • Tevkrilafo kilbo • Brawesk • Grunsaridja • Suola
Grunsiskafa	Cepta • Asmi • Wirioza • Terafi anamkuri • Ludzekirafi anamkuri