Albert Marquet

Albert Marquet

1875-1947

Francaf lingesik

Pierre Léopold Albert Marquet, gubeon yoltkiraf gu Albert Marquet tir jemakevaf lingesik is gretcasik. Albert Marquet, lingesik va lava Wiks va Venezia, 1936 Seine bost koe Paris, 1914-1915 Samois, keraf tiv, 1917 Piluda ke Fécamp, 1906 Cygnes ewala, Herblay, 1919 Seine bost koe La Frette bak muvugal, 1939 Piluda ke Les Sables d'Olonne, 1936 Molt ke Aljazair moi muvacek, 1932-1934 Napoli ceda, Vesuvio tculk koe bra, 1908 Male etol ke Seine bost kale yon europaf molt, male domega ke Marne kuksa kale tela ke Mediterranea Bira, Albert Marquet remi blirugal tiyir lingesik va lava. Lava modesa ok perzafa, kusafa ik lukoptafa ik faltafa, arse tir gelukafa teza is idjafe detce ke inaf grabomeem. « Marquet pesteyer da deneon tigiyir kotlize lava ik tota tiyid », ~ Marcelle yerumanikya setikeyer. Ede va bost ik kuksa ok bira ik molt me co krafiat, pune divrozara va yambik is vangrupera va intafa yamba tid merotisaca ; i va jontikote fum basitalkas va inafa modovasafa ezlopa ile widavafa iyepta, ile tizura ke izva. « Lava va grabom ke Marquet gorukon yordar, i va ra onton rusagafa is sfiafa vox onton rustonafa is jowikasa, tisa elza ke gloga is kelt voxis sazafa keska ». Bata yordara va listucaf lumack kaikfir. Tolke tore yambik va Paris illanir nume keno Seine bost zikar. Remi mon alubsandafa klepa, zatanon gan ilamkaf salt ke bost, mo conyuta ke Monet ik Sisley ik Pissarro ik Cézanne krabeyer, aykason va rigotc koe Poissy ok Villennes-sur-Seine is La Varenne-Saint-Hilaire is Conflans-Sainte-Honorine is Samois is Herblay is Triel is Méricourt. Lava : ganera gu kobrara Bato xo liote tid greelt ke antucafa kelda lize anamefa auluca gu kobrara ganer : Seine bost ke Marquet tir dilixo tcaston tuitupayano gu klubafa ayikafa tigira ik yona tcastafa tota lize tcaza ke ruxeem ik mona ik rujod vamoe ora va antafa rowina blizesira loviele nutadled. Inaf ukeem zakodackaf dem abica rukuzafa uka gedelon drivayana gu bat nyases alpoz va int dolantir. Yambik va corara va lan debak djukatualudevar, bal warzafa jonvielera gire worar ise moe rujda gin kobaver. Marquet va « vildeks dem azafa tugodjasa bagalara isu pestalera » lodam vereaca jugemeyena gan litevik firvir. Estobasa buricara inon karolana va delaf vemiz ke inyon buneks tiskad, tulon dadoda ke voa van zida ik xuoda ke noriskeem ik aaleem, i levconyaks ke fliotaf conyukaks. Bat poaf siak me tir divlapus nume va runda gu zidafa wira drume lava dile isker. Lente lavekafe divatce ton aze is dem lingenacama volasa va tcaza ton ploz, lana litera ke yalestuca is tiavera va teniskafa divlizera belcon divetid. « Grugralombera va mani afimi, i va bate divatce bupese nope vugcoba, i va batu ansu soe vawalefu, tir to erava ke Marquet viele in kabdue aulafa vurja kosmana darpe kona gozara tigir », ~ lan malyeropasik stragar. Male Seine bost kale grocela In va tana lolistafa trutca koe to Herblay arse linger : i va Cygnes ewala, Herblay bak 1919. Izga ke Monet vamoe watsa vas lavelza ezar lize brucka ke aal koe dzavawera ke ora liziwer. Lava nijur « ribiegafi artazukesi is gluyasi askisiki miledje tisi askisiki va vumelte lodam siday », ~ lan malyeropik arti tolsanda stragayar. Titi 1939, Marquet va La-Frette-sur-Seine dotama kenrone Seine bost koirubar. « Albert Marquet koe to bata morafa mona ke La Frette rotir loeke pesteyer dene int, ~ Marcelle yerumanikya kadimion suteyer. ~ Inafo lingexo bumafo koe olkxo vamoe gonoy ke Seine bost [...] tigiyir ; Albert pesteyer trabiangaf dumede koe gelbe. » Gael ke grocela va in droleyer. Koe taneon Normanda lize bak 1905 poke Le Havre lingeyer. Duzuma koe Sainte-Adresse trutca va blira ke birafo koyutaxo konakilar milinde Monet al skuyur, voxen gijarotifa kevafizafa keska is godjafa lingerinda va koyutasik gu vixana vola divetisa ton siniafa izginda keve titawaltas ludev kastad. Bak 1933 Marquet va daavafa tegisuca ke piluda ke Les-Sables-d'Olonne bak idulugal dere linger voxe va kiewotaca ke letafa piluda lente aulafa bira dem skael ke gedelafa runta abdualbackar. Rimek koo niponafa yamba Tokdume mana drolera ke lava, tokdume bata teniskafa dimfira tisa riwe ne kal bata jontazukafa danda ? Va kazafa sazdara tire me rodivlaput. Arse anelikeem ke lingesik va voa ik molt ik bira loeke karolayar, i va bata watsa loeke muxana kan inafa norluca. Listucafa abdualbara kan tigirapa ke lava, va trakopaf kamam nared. Gildatason va corara va tamava muxana gan grabomeem ke Marquet, lan rimek koo niponafa yamba tuadrawer. Francaf lingesik va yona kaatoesa agvava isu diotetca do Hokusai is Hiroshige pakar. Bata brostaca me akoyed kiren grupet da sinaf grabom gu kosmara va patectoyafa yamba ke roneka zo sinkayad. Lan malyopasik torigir : « Yona walrukomara kaikfisa va uumack ke turestara esackon nutid ke loleon ringaf kimbaks isu vanmilenidas wiks oku siakraca is lingeyena ik sazafa kroara », numen batcoba va trogarn vas « milaca » uneyen gan Matisse tuageltar. Batlize bata milaca koe kuksaf ok biraf patectoy aftapon makewed. Inafa yerumanikya munesteyer da Marquet « va kotcoba nutisa parmafa wetce rotuxara » volalbayar. In remi blirugal « va batyona ewava ke ezasa tamava » abegafa ke niponikeem lasutitickayar, i va tamava rundayana lev sugda ke volduna is rustonuca. Marquet va jekura ke cadimarura dere nedir, i abiceke ke Haiku niponafa yamba. Dere rupec ► Trutceem ke Marquet Stragela (fr) Véronique Alemany & al., Albert Marquet : Itinéraires maritimes, Paris, Thalia Édition, 2008, 141 bu, ISBN 978-2-352780410. (fr) Christophe Duvivier & al., Somogy éditions d'art, Albert Marquet : Les bords de Seine, de Paris à la côte normande, Paris/Pontoise, Somogy éditions d'art/Musée Tavet-Delacour, 2013, 128 bu, ISBN 978-2757207284. (fr) Myriam Escard-Bugat et al., L'Estampille/L'Objet d'Art, Albert Marquet : Peintre du temps suspendu, L'Objet d'Art, n° 97, Dijon, Éditions Faton,‎ 03/2016, ISSN 2426-0096. (fr) Françoise Garcia, Dominique Beaufrère et al., Musée des Beaux-Arts de Bordeaux, Albert Marquet : peintures et dessins, collection du Musée des Beaux-Arts de Bordeaux, Bordeaux, Balauze et Marcombe, 2002, 184 bu, ISBN 978-2-902067350. (fr) Mikhaïl Guerman, Albert Marquet : Le paradoxe du temps, Bournemouth/Saint-Petersbourg, Parlstone/Aurora, 1995. (fr) Christel Haffner Lance, Albert Marquet au Pyla, Le Festin,‎ 07/2018, n° 106, ISSN 1143-676X. (fr) Manuel Jover & al., Connaissance des arts, Albert Marquet : Peintre du temps suspendu, Connaissance des arts, n° 704, Paris, SFPA,‎ 04/2016, ISBN 978-2-7580-0667-1. (fr) Francis Jourdain, Albert Marquet, Paris, Cercle d'art, 1948. (fr) Sophie Krebs & al., Musée d'Art moderne de Paris, Albert Marquet : Peintre du temps suspendu, Paris, Paris musées, 2016, 229 bu, ISBN 978-2-7596-0318-3, BNF 45004273. (fr) Sophie Krebs, Connaissance des arts, Albert Marquet au fil de l'eau : L'œil de Marquet, le maître des demi-teintes, Connaissance des arts, n° 747, Paris, SFPA,‎ 04/2016, ASIN BO1DF6H2EW. (fr) Jacqueline Lafargue is Claudine Grammont, Marquet : Vues de Paris et de l’Ile-de-France, Paris, Association Paris Musées, 2004, 144 bu, ISBN 978-2-879008455. (fr) Laurent Le Bon is Didier Schulmann, Albert Marquet : Du fauvisme à l'impressionnisme, Paris, RMN-Éditions du Centre Pompidou, 2003, 128 bu, ISBN 978-2-844261960. (fr) Marcelle Marquet, Marquet, Paris, Robert Laffont, 1951. (fr) Marcelle Marquet, Albert Marquet, Paris, Hazan, 1955. (fr) Gilberte Martin-Méry is Michel Hoog, Musées nationaux, Albert Marquet 1875-1947, Musées nationaux, 1975, 180 bu, ASIN B004BA15DG. (fr) Roderic Martin, Albert Marquet : Du port de la lune aux quais de Seine, La Teste-de-Buch, Éditions du Delta, 2014, 86 bu, BNF 43850902. (fr) Jean-Claude Martinet is Guy Wildenstein, Marquet. L'Afrique du Nord : Catalogue de l'œuvre peint, Paris/Milan, Skira/Seuil/Wildenstein Institut, 2001. (fr) Didier Ottinger is Hector Obalk is Marc Sandoz, Albert Marquet aux Sables d'Olonne 1921-1933 : exposition novembre 1989 - janvier 1990, Les Sables-d'Olonne, Musée de l'abbaye Sainte-Croix des Sables-d'Olonne, coll. « Cahiers de l'Abbaye Sainte-Croix » (n° 64), 10/1989, 32 bu, BNF 35441616. (fr) Rafael Pic & al., Musée d'Art moderne de Paris, Albert Marquet : Peintre du temps suspendu, Beaux-Arts, Issy-les-Moulineaux, Beaux-Arts/TTM éditions,‎ 03/2016, bu 1-59, ISBN 979-1-0204-0255-4. (fr) Emil Szittya, Marquet parcourt le monde, Paris, Portraits contemporains, 1950. (fr) Léon Werth, Éloge d'Albert Marquet, Paris, Éditions Manuel Bruker, 1948.

Albert Marquet  Koblira  27/03/1875,  Bordeaux, Franca  Awalkera  14/06/1947,  Paris, Franca  Vedeyot  Franca  Eba  Lingeropa  Serna  Jemakeva   Grabom    Tuveli icde Lingeropa