Recela 14 : Yoshiwara (gweta)

Recela 14 : Yoshiwara ~ 吉原 (JA)


Recela 14 : Yoshiwara ( niponavon 吉原 ) tir san-alubeafa gweta ke sposaf gwetak vergumveltkiraf gu 53 recela ke Tōkaidō vawa ( 東海道五十三次之内, Tōkaidō Gojūsan-tsugi no uchi ), zovdayan gan Utagawa Hiroshige niponaf yambik, is taneon piskuyun bak 1833-1834 gan Hōeidō.

Tōkaidō vawa tiyir vawapa wale Edo ( re Tokyo ) tiso kelu ke Shogun patectokilik is Kyoto gindafu kelu ke Nipona. Sareon gu Hiroshige, kotafa soluma tiyir vas mon 500 km- numen lanis koyasik bad mon toloya safta exuleyed.

Hiroshige va varaf gwetak dem 53 recela ke zalor zovdayar. Bata gweta ( Ukiyo-e tazuk ) tir lumkirafa gu 37 × 25 cm- ( ton Oban breviz ). Tir san-balemeafa ke enk ise va greelt koe Yoshiwara kaatoer.

Greelt ke Yoshiwara betara

Recela ke Yoshiwara ( niponavon 吉原宿 ) koe Fuji widava ke Shizuoka winka tigiyir.

Tozion recela ke Yoshiwara moe dalafa kelda poke refa golda ke Yoshiwara tigiyir, voxen kaiki vilasa yundara kadimeon di zo dimvegeduyur. Neken warzafa yundarapa bak 1680 va xo alkejayar numen recela bareatomon ileon di zo arrundayar. Kore lok ke Tōkaidō vawa koo Sagami winka azu Suruga keno krimta tigiyir ( rape intaf yolt : « Vawa ke taltefa bira » ), koyasik mal Hara va bira illaniyid. Ostik, kal bati zalorki koyasik mal Edo va roneon Fuji tculk dun wiyid. Voxe viele ko siday illaniyid, pune Fuji tculk talteon zo rowiyir numen wiks gu Hudari Fuji ( 左富士 : talteon Fuji ) zo yoltayar.

Bak Edo rekola, abrotcafa conya dem pailtega kene vawa banlize tigiyir. Gweta ke Hiroshige va to batcoba nedir, lize va zanisik stas va baroya koyasikya moe okol moo vwepafi vawaki do talteon Fuji tculk wit.


Dere rupec betara

53 recela ke Tōkaidō vawa

Stragela betara

  • (en) Carey, Patrick. Rediscovering the Old Tokaido:In the Footsteps of Hiroshige, Global Books UK, 2000, ISBN 1901903109.
  • (en) Chiba, Reiko. Hiroshige's Tokaido in Prints and Poetry, Tuttle, 1982, ISBN 0804802467.
  • (fr) Delay, Nelly, Hiroshige sur la route du Tokaîdo, Éditions Hazan, Paris 2010, ISBN 978-2-7541-0498-2.
  • (fr) Lambert, Gisèle & Bouquillard Jocelyn, Le Tōkaidō d'Hiroshige, Bibliothèque de l'image, 2002, ISBN 2-914239-69-6.
  • (en) Traganou, Jilly. The Tokaido Road: Travelling and Representation in Edo and Meiji Japan. RoutledgeCurzon (2004). ISBN 9780415310918.
  • (fr) Le Tōkaidō : de Tōkyō à Kyōto avec Hiroshige, estampes des 53 relais, Paris, 1981 (estova ke wonara ke Cernuschi tcila, 10-11/1981).

Recela 14 : Yoshiwara
吉原 (JA)

Recela 14 : Yoshiwara
 Yambik Utagawa Hiroshige
 Evla 1833-1834 ( piskura ke Hōeidō )
 Ord Patectoy - ( Ukiyo-e )
 Lingerinda Gweta keve eluxa
 Lum 37 × 25 cm- ( Oban breviz )
 Gwetak 53 recela ke Tōkaidō vawa


53 recela ke Tōkaidō vawa

Mallanixo : Nihonbashi1 : Shinagawa2 : Kawasaki3 : Kanagawa4 : Hodogaya5 : Totsuka6 : Fujisawa7 : Hiratsuka8 : Ōiso9 : Odawara10 : Hakone11 : Mishima12 : Numazu13 : Hara14 : Yoshiwara15 : Kanbara16 : Yui17 : Okitsu18 : Ejiri19 : Fuchū20 : Mariko21 : Okabe22 : Fujieda23 : Shimada24 : Kanaya25 : Nissaka26 : Kakegawa27 : Fukuroi28 : Mitsuke29 : Hamamatsu30 : Maisaka31 : Arai32 : Shirasuka33 : Futagawa34 : Yoshida35 : Goyu36 : Akasaka37 : Fujikawa38 : Okazaki39 : Chiryū40 : Narumi41 : Miya42 : Kuwana43 : Yokkaichi44 : Ishiyakushi45 : Shōno46 : Kameyama47 : Seki48 : Sakashita49 : Tsuchiyama50 : Minakuchi51 : Ishibe52 : Kusatsu53 : ŌtsuArtlanixo : Sanjō Ōhashi

  Tuveli icde Lingeropa