Moavukaf muvugal (1) (trutca ke Levitan)

Moavukaf muvugal ~ Золотая осень (RU)


Moavukaf muvugal ( rossiavon Золотая осень ) tir trutca lumkirafa gu 82 × 126 cm-, i puntalingeks keve stama skuyun gan Isaak Levitan rossiaf lingesik bak 1895. Koe Tretyakov tcila koe MoskvaRossia ) re tigir ( 2018 ).

Bata trutca tir patectoy, ke tele gelukafe detce ke Levitan ( loa 200 grupena trutca icde bata watsa ).

Pimtara betara

Levitan va muvugalaf patectoy djukalingeyer nume va mon decemoya trutca tikisa va bat cadim skuyur. Ke banyona, Moavukaf muvugal di vanpiyir tana lokotgrupafa is losanefa ke yambik. Va kuksa vawale aal dem muvugalaf toeem blafotaf is keraf kaatoer. Va sumefa wida mona vanmiae taya rokozwit, is va aalxo lingeyeno kan blafotafa uka vane zida. Isen vamoe bata kotcoba, faltaf kelt tir lize aftaf rujod ezad. Vucafa is dalafa is kiewatrakurevafa kseva ke bata trutca soe me tid adalafa gu giltaf grabom ke Levitan gimalsaves va lopibafa uka.

Solnarira va wis gentim nover da lingesik va mantaf is jonlumaf patectoy kaatoer. Nekev lana medotolmiluca, pona ke trutca nutir milbavafa. Vatalteon, lana azentapa va aaltum kaatoer, i va cirdata dem sizuntas blafotaf toeem is tanoya waniba dem tukeraweyesa ironokafa toa. Va afifa is kamamasa kretsa redud, kevaxason va kuksa roneon kaatoeyena is nutisa fentafa is orikafa. Lavek ke kuksa vas ksevafa kretsapa dem faltafa ekwa vawale beretramafa tcaza ke domegeem dere vektar.

Keno domega ke kuksa, disukera ke wisik va werdapa voke voa remstir aze va aalxomo sumeon tigiso vanstir. Moe ronefa domega, tanoya bocafa bumafa blafotafa cirdata. Azen adre ukazinera kadar lodiliodafa uka.

Dum koe Bareaksat trutca, nelkafa pona ke ukafa luistava ke Moavukaf muvugal tid blafote is falte is kuse. Voxisen zolonafa amidaca ke bata toloya trutca tir da koe imwugalaf patectoy leve nolda, pune lofentafa uka tid dalafa solve to lodidulafa uka tid koe muvugalaf patectoy. Yordara ke kuse tir dilafa koe Moavukaf muvugal numen kontes vaj ke bata trutca tir kan blafote « gotusa va fawokafa daava is vumaltafa is odiakafa listuca ke trutca ».

Ara tulanibelcara va Bareaksat is Moavukaf muvugal tir da toloya trutca gu tula nedipisa va turestara ke liteva va grabomeem ke Levitan zo torigid. Tire, koe bana trutca muxasuca ke lingeropa tir zolonafa is votcukafa loon dam koe bata. Tulon tuzomara va lingerask keve toeem ke cirdata awir konaklize ling ton vapafa bada zo kevplekur eke va fetintepe litesir.

Dere rupec betara

Trutceem ke Levitan

Stragela betara

  • (ru)  К. Паустовский, Исаак Левитан, Повесть о художнике, 1937
  • (ru)  И. Гинзбург, И. Левитан, 1937
  • (ru)  И. Евдокимов, Левитан, 1959
  • (ru)  С. Глаголь, И. Грабарь, Монография о Левитане, СПб, 1913
  • (ru)  С. А. Пророкова, Левитан, 1960
  • (ru)  Т. Л. Щепкина-Куперник, Старшие, Ж. Вестник Европы, 1911
  • (ru)  В. А. Прытков, Левитан, 1959
  • (ru)  А. А. Фёдоров-Давыдов, И. И. Левитан. Жизнь и творчество, 1960
  • (ru)  Н. П. Смирнов, Золотой плёс. Повесть о Левитане, Ж. Охотничьи просторы, 1959
  • (ru)  А. Мокроусов, Левитан: Борьба за наследство Ж. Лехаим. 2010
  • (fr)  J. C. Marcadé, L'Avant-garde russe, Flammarion, Paris, 1995, ISBN 2-08-120786-9
  • (en)  A. King, Isaak Levitan. Lyrical Landscape, London, Philipp Wilson Publishers Ltd., 2006
  • (en)  L. Mehulic, Isaac Ilych Levitan and Evening Bells from The Mimara Museum, Zagreb, Muzej Mimara, 2009

Moavukaf muvugal
Золотая осень (RU)

Moavukaf muvugal
 Yambik Isaak Levitan
 Evla 1895
 Ord Patectoy
 Lingerinda Puntalingeks keve stama
 Lum 82 × 126 cm-
 Tigixo Tretyakov tcila, MoskvaRossia )


Trutceem ke Levitan

Awaltaf afizcek, imwugalSielcekWida, fentugalSielcek moi muvacekMuvugalaf afizcek. SokolnikiAbdi zivotccekSukarn, gavef nomMuvugal, vawa koe widaVawa koe aalxo (1)Nudama, OstankinoKoe gerd (1)PersaMuvugal, tcabanesikNudamaOstankinoWida kaike kuksaImbozaVawa koe aalxo (2)Sielcek, keldaImwugal koe aalaSielcek vamo wedaSielcek mo tayaWida kene kuksaPatectoyTaneafa ruxa, alubeaksatAala, awaltaf afizcekPersa is cirdataZa, Savvinskaya SlobodaWaniba, akraf afizcekSavvinskaya Sloboda poke Zvenigorod (1)Savvinskaya Sloboda poke Zvenigorod (2)Fentugalon koe aalaKentacekBlatvartesikAalafa kuksa, muvugal moe IstraAy-PetriKoe meftava koe KrimaMuvugalafa aala (1)Saklya koe AlupkaTatarafo awalkikxo, KrimaBaroya pailtegaKene bira, KrimaMuvugalaf gazdacek, selOntinafa domega, Volga bostTourka konina gan ruxeemPatectoy ke KrimaDivdomaraSielcek moe Volga (1)Sielcek moe Volga (2)Moe Volga bostMuvugal, lavarn, vakolDelt va Sofya Petrovna KuvcinnikovaAnkittota, Volga bostSielcek, moavukaf PlyosVolga bostMoavukaf muvugal, SlobodkaKoawaltano wicoAalafa minsa is pulpaTciugoMuvugal (1)Moi muvacek, PlyosTawadayaf wiksEdgarda is tcumaCirdataxoMiafizCirdata, Opucka aalxoWico koe werdxoTeyAala bak fentugalTota moe domegaBlatakPolustanokMatela koe noldaAalaKrimta ke Mediterraneo biraPoke Bordighera valente ItaliaRujodiskaf afizcek moe VolgaVenezia, Riva degli SchiavoniImwugal koe ItaliaItaliaf patectoyMoe kelda van SionRujodaf afizcek (1)Amlitafe eceyxeKene bira, ItaliaMuvugal (2)Delt va PanafidinSielafa biotaraVladimirkaToza ke imwugal (1)FerastMoe uzdaRujodaf keltUzda (1)Koe aala muvugalonTcikoraKeve Como uzda, etolVamoe kotabafa tilderaMuvugal (3)Muvugal, vomonaDelt va KuvcinnikovaSielafa izgaKoe gerd (2)Imwugal, ironokaf noldacekMoavukaf muvugal (1)Gravida vagee FrancaBareaksatAbinkoComo uzdaUzda, lukoptaf afizcekRucka koe aalaRucka keve lavaFedafa sukara, Volga bostLukoptaf afizcekLukoptaf afizcek moe uzdaBatakafa rujaMuvugalaf patectoy dem uja (1)Muvugalaf patectoy dem uja (2)RujaImwugal, batakafa rujaBinka koe aala, ruckaMoe domegaKrant, muvugalMoavukaf muvugal (2)LenteonImwesa pruva (1)Idulugalaf mielcek, kuksaBira grocelon icde suomiafa krimtaAlp rodega (1)Alp rodega (2)Alp rodega, noldaOlgaf afizfcekKoe Alp rodega, imwugalonKlita tir lavapaTaelaftaf mielcek, widaStabrega ke darekeugal, nom, SuomiaBocafa awaltolya, wanibaTayaImwesa pruva (2)Taelaftaf mielcek, vawapaVawa (1)Werda keve aalaUzda, imwugalIntagabexoToza ke imwugal (2)Kuksaruxa (Prudik)Awaltaf afizcek, widaAwaltaf afizcek, wicoNom, lamoneAmlitTena ke muvugalSukaf afizcekUzda, siel (1)Muvugal, kuksaKelotBocafa olya, uzdaMuvugalaf aftacekZivotc, muvaVawa (2)Renga (1)Renga (2)Muvugalafa aala (2)Muvugal, BerezkiYona tayaBocafa awaltolyaToza ke imwugal (3)KuksamaNomcekNom, taelNomcek, nakkiSel, muvugalTyagaTaelaftaf mielcekKolanira va widaUzda koe aalxoMivdeltVolga, totaWida, XotkovoVawa (3)VawamaAfizcek ke teveaksatAalafa uzdaTaelaf patectoyKoe trapova, nomcekRujod abdi xeftocekUzda, siel (2)Muvugal (4)Rujodaf afizcek (2)Lakis impadimakKera koe widaToza ke imwugal (4)Nomaf afizcek, JivnyeSel mo lavaUzda (2)Imwugal koe KrimaIdulugalaf sielcekTucuara va nak

  Tuveli icde Lingeropa