Tamavafa gadakiewega koe Benina

Bat teliz va kot debak bendeyen dene Tamavafa Gadakiewega ke UNESCO koe Benina otular.

Bak 2018, toloy debak ke Benina tid ke winugafa vexala ke Tamavafa Gadakiewega : 1 arayaf is 1 tuwavaf.

Winugafa vexala

     Bat debak bevular iyelaf

	Gazabermaxo ke Abomey	Welmot : 0.48 km²
	Arayaf debak bendeyen bak 1985	Ludeem : (iii) (iv)	UNESCO otuk : 323
	Debala : Zou Gola	Maneka :  7° 10' 59" L-, 1° 58' 59" R-
	Gazabermaxo ke Abomey. Wali 1625 is 1900, san-toloy gazik uskejon ice gijarotifo gazaxo ke Abomey va sint radimfid. Vaxe Akaba gazik faveyes va solwifo karnizxo, kotbat gazik va intafa berma koe zirkafo rebavaxo kolnayar, videson va yona kira adalafa gu vegeduropa ke diref bermeem ton grustara va darka is narara va ugoteem. Gazaxo ke Abomey va burkaf vrutaks va griawiyiso gazaxo divnedir.

	Pendjari vedeyaf gerd	Welmot : 14 948 km²
	Tuwavaf debak bendeyen bak 2017	Ludeem : (ix) (x)	UNESCO otuk : 749
	Debala : Atacora Gola	Maneka :  11° 13' 48" L-, 1° 31' 37" R-
	W- is Arly is Pendjari barvedeyaf gerdeem ( Benina is Burkina is Nigera ) bendeyen bak 1996 mo Vexala dem tamavafa gadakiewega, va divatcepe ke spafa sudanasaxelafa meila besar, dem ruxord dum werda is lucamolda is aalameila ok glupafa voaala. To tela logijafa is lozolonafa trenaca dem tawavaf blibolk isu lavedaf ok pakon lavedaf ke meilafa anamba ke Taltefa Afrika tir. Debak va gelbe mu konaka sulemafa katca arlize griawiyisa koe Taltefa Afrika ok keunipisa zanudar. Va tela logijafa sanelia ke fuzol ke Taltefa Afrika is lo moukdunolap ordaf gu gola dum afrikaf pogdol is cuskol is krapol is kraimol tulon vedgober. Va tela ironokafa roblisa sanelia ke krapol ke gola dere bravar.