Tamavafa gadakiewega koe Kameruna

Bat teliz va kot debak bendeyen dene Tamavafa Gadakiewega ke UNESCO koe Kameruna otular.

Bak 2018, toloy debak ke Kameruna tid ke winugafa vexala ke Tamavafa Gadakiewega : 2 tuwavaf.

Winugafa vexala

     Bat debak bevular iyelaf

	Dja sulemxo	Welmot : 5260 km²
	Tuwavaf debak bendeyen bak 1987	Ludeem : (ix) (x)	UNESCO otuk : 407
	Debala : Sud Gola, Est Gola	Maneka :  3° L-, 13° R-
	Dja sulemxo tir tana loglupafa is lonendana abdaala ke Afrika, dem 90 % ke welmot wan tis merelatcen. Riwe koton tigiso koe ivamuinda tazukana gan Dja kuksa wetce tuwavafa kima, sulemxo moekote tir katcalafo gu bligedruca is jontika amidafa jidolafa katca irubasa. Va 107 moukdunolafa katca bravad ; aluboya zo dratced.

	Sangha vedeyaf gerd	Welmot : 7463 km²
	Tuwavaf debak bendeyen bak 2012	Ludeem : (ix) (x)	UNESCO otuk : 1380
	Debala : Est Gola	Maneka :  2° 36' 32" L-, 16° 33' 14" R-
	Tigis valenttalte kuksaxo ke Kongo bostap uton ice Kameruna is Kongoa is Avafrika, debak tir katanaks va baroy uzif vedeyaf gerd welmoton ice 7500 km², abiceke vanolan gan ayafa tegira. Eem dem blibolk ke abdafa bwaala zo trasir. Kulaf fled isu ruxeem tid dem tulon Nil negova is Mbenga kabay ( Hydrocynus goliath ) zolonaf wivgasik. Senta va werdinda frivid ise Sangha kuksa va saneliapa dem aalaf fuzol is ilwin taltazekaf yiwol is iyelaf zegol bravar. Anameda ke debak va glupafa wanura va yona tuwavafa is towasa abduaxa al nover, is va videra va bligedrucapa, dem jontika iyelafa katca.