Tamavafa gadakiewega koe Nigera

Bat teliz va kot debak bendeyen dene Tamavafa Gadakiewega ke UNESCO koe Nigera otular.

Bak 2018, baroy debak ke Nigera tid ke winugafa vexala ke Tamavafa Gadakiewega : 1 arayaf is 2 tuwavaf.

Winugafa vexalaModifier

     Bat debak bevular iyelaf

  Izvafa idja ke Agadez Welma : 0.78 km²
Arayaf debak bendeyen bak 2013 Ludeem : (ii)  (iii)   UNESCO otuk : 1268
Debala : Tchirozérine Gola Maneka :   16° 58' 26" L-, 7° 59' 28" R-

Torigina gu tuvel ke letaxo, Agadez wid kengerone Saxara letaxo tir savsaf gu XV-eafa is XVI-eafa decemda. Aïr gazaxo banugale va int inker ; va lospara va Tuareg grelt tukuvar, tarkason va inyono savsafo pemaxo, numen batcoba va tanuskaf nudaf remay ware tarkan di tazukar. Izvafa idja tiyisa zolonaf greelt ke teremtafa kazara tir dem san-tanoya revava vas mevexaf tazuk. Sina va jontika tawotafa vreda bravad, is va dere bermafa is alkafa meseitafa belca dem tulon tuksuest ontinaf gu 27 m- tis tel lodontinaf kotvielu vegeduyun kum tawot. Debak va arayafa is kazafa is yambudafa prostewa kotvielu al vonecker nume va yona rotuvapafa tula ke tawotafa vegeduropa nedir. [1]

  Niger W- vedeyaf gerd Welma : 14 948 km²
Tuwavaf debak bendeyen bak 1996 Ludeem : (ix)  (x)   UNESCO otuk : 749
Debala : Say Gola Maneka :   12° 21' L-, 2° 21" R-

W- is Arly is Pendjari barvedeyaf gerdeem ( Benina is Burkina is Nigera ) bendeyen bak 1996 mo Vexala dem tamavafa gadakiewega, va divatcepe ke spafa sudanasaxelafa meila besar, dem ruxord dum werda is lucamolda is aalameila ok glupafa voaala. To tela logijafa is lozolonafa trenaca dem tawavaf blibolk isu lavedaf ok pakon lavedaf ke meilafa anamba ke Taltefa Afrika tir. Debak va gelbe mu konaka sulemafa katca arlize griawiyisa koe Taltefa Afrika ok keunipisa zanudar. Va tela logijafa sanelia ke fuzol ke Taltefa Afrika is lo moukdunolap ordaf gu gola dum afrikaf pogdol is cuskol is krapol is kraimol tulon vedgober. Va tela ironokafa roblisa sanelia ke krapol ke gola dere bravar. [2]

  Tuwavaxo ke Aïr is Ténéré Welma : 77 360 km²
Tuwavaf debak bendeyen bak 1991 Ludeem : (vii)  (ix)  (x)   UNESCO otuk : 573
Debala : Arlit Gola Maneka :   18° L-, 9° R-

Tuwavaxo ke Aïr is Ténéré tir to telo logijafo nendano tuwavaxo ke Afrika, vas 77 000 km². Gabot torigin gu nendano tumtaxo tir tanoya teveaca. Va Aïr tculkaf fluvor ruldar, i va bumaf saxelaf glarn koe Ténéré saxarafo letaxo dem manafa lidawicka isu ruxeem isu fled. Tuwavaxo tid dem burkafa belca dem patectoy is ruxapta is govitol. [3]

VuestexaModifier


 
Tamavafa gadakiewega koe Afrika
AngolaAvafrikaBeninaBissauguineaBotswanaBurkinaBurundiaErtraGabonaGambiaGanaGeeafrikaGeesudanaGuineaItyopiaJazairaJibutiaKaboverdeaKamerunaKenyaKomoriaKongoaSokasanerotifa KongoaKoteivoiraLesotoaLiberiaLibiaMadagasikaraMagribaMalawiaMaliaMauritiaMisraMozambikaMuritaniaNamibiaNigeraNigeriaRwandaSaotomeprincipeaSenegalaSeycellaSierraleonaSomaliaSudanaSwatiniaTaltefa SaxaraTanzaniaTcadaTogoaTunusaUgandaWitaluguineaZambiaZimbabwea