Tamavafa gadakiewega koe Malawia

Bat teliz va kot debak bendeyen dene Tamavafa Gadakiewega ke UNESCO koe Malawia otular.

Bak 2018, toloy debak ke Malawia tid ke winugafa vexala ke Tamavafa Gadakiewega : 1 arayaf is 1 tuwavaf.

Winugafa vexala

Bat debak bevular iyelaf

Chongoni	Welmot : 126.40 km²
Arayaf debak bendeyen bak 2006	Ludeem : (iii) (vi)	UNESCO otuk : 476
Debala : Central Gola	Maneka : 14° 17' 35" G-, 34° 16' 44" R-
Tigis moe wankafo ventaxo, Chongoni debak va 126.4 km² moe ontinafa azekexa ke Malawia kereler. Dem 127 arula ok muta, va tela lodekamafa belca ke raporafa yamba koe gola bravar. Belca ke Chongoni va riackafa prostewa ke raporafa yamba ke tawamidusik is dere lingeks ke Batwa yestatcabanesik bliyis bak Jotaf Lekeraporugal koe gola tcazedar. Chewa tawamidusik artlaniyis va gola teni Lekeraporugal, va raporafa lingeropa kali acku ke XX^-eafa decemda ksubeyed. Leca ke raporafa yamba, gluyakirapafa gu ayikya, wan tid arayon ebokapafa dene Chewa sane, isen debak wan tid xuta ke kruldesa fipta isu miga. ^[1]

Malawi Uzda vedeyaf gerd	Welmot : 94 km²
Tuwavaf debak bendeyen bak 1984	Ludeem : (vii) (ix) (x)	UNESCO otuk : 289
Debala : Southern Gola	Maneka : 14° 01' 59" G-, 34° 52' 59" R-
Tigis gee datafa Malawi uzda dem aludevafa is aftafa lava, is dem meftavaf kadimazent, gerd va konaka decemoya kabayinda bravar, i va kabayinda cugote lizukafa is atoesa va dulap milaf gu tel ke verbokafa katca ke Galapagos tursia mu towareva. ^[2]

Angola • Avafrika • Benina • Bissauguinea • Botswana • Burkina • Burundia • Ertra • Gabona • Gambia • Gana • Geeafrika • Geesudana • Guinea • Ityopia • Jazaira • Jibutia • Kaboverdea • Kameruna • Kenya • Komoria • Kongoa • Sokasanerotifa Kongoa • Koteivoira • Lesotoa • Liberia • Libia • Madagasikara • Magriba • Malawia • Malia • Mauritia • Misra • Mozambika • Muritania • Namibia • Nigera • Nigeria • Rwanda • Saotomeprincipea • Senegala • Seycella • Sierraleona • Somalia • Sudana • Swatinia • Taltefa Saxara • Tanzania • Tcada • Togoa • Tunusa • Uganda • Witaluguinea • Zambia • Zimbabwea