Tamavafa gadakiewega koe Burkina

Bat teliz va kot debak bendeyen dene Tamavafa Gadakiewega ke UNESCO koe Burkina otular.

Bak 2018, toloy debak ke Burkina tid ke winugafa vexala ke Tamavafa Gadakiewega : 1 arayaf is 1 tuwavaf.

Winugafa vexala betara

     Bat debak bevular iyelaf

  Loropéni rawaxo Welmot : 0.1 km²
Arayaf debak bendeyen bak 2009 Ludeem : (iii)   UNESCO otuk : 1225
Debala : Poni Winka Maneka :   10° 15' 00" L-, 3° 34' 59" T-

Loropéni rawaxo vas 11 130 m² dem ontinafa rebavega tir. Tela lonendana ralma ke sanoya ke Lobi gola tir. Debak dere tir pak ke lomantafa belca dem mon decemoye raporafe anambe tcazedase va gijarotiuca ke remsaxarafa kazara va moava. Guazafo gu icle tanoya decitda sedme noeltafa kosmara, bato rawaxo poke jowa ke Togoa is Gana tigir. Debak gan Lohron mikra isu Koulango stujeyeso va divkawodara va moava isu gatcera koe gola ba pelava ke bata moavafa savera ( XIV-eafa ik XVII-eafa decemda ) zo kereleyer. Bulapa va bat debak pakamon suxayan anamefir. Remi izvapa, Loropéni konakviele zo nujovleyer. Parmafa jovlera wali toza ke XIX-eafa decemda isu rav dilizeyer. Bat debak va jontika giva wan abdiplekur. [1]

  Arly tuwavaxo Welmot : 14948 km²
Tuwavaf debak bendeyen bak 2017 Ludeem : (ix)  (x)   UNESCO otuk : 749
Debala : Tapoa Winka Maneka :   11° 54' 00" L-, 2° 09' 42" R-

W- is Arly is Pendjari barvedeyaf gerdeem ( Benina is Burkina is Nigera ) bendeyen bak 1996 mo Vexala dem tamavafa gadakiewega, va divatcepe ke spafa sudanasaxelafa meila besar, dem ruxord dum werda is lucamolda is aalameila ok glupafa voaala. To tela logijafa is lozolonafa trenaca dem tawavaf blibolk isu lavedaf ok pakon lavedaf ke meilafa anamba ke Taltefa Afrika tir. Debak va gelbe mu konaka sulemafa katca arlize griawiyisa koe Taltefa Afrika ok keunipisa zanudar. Va tela logijafa sanelia ke fuzol ke Taltefa Afrika is lo moukdunolap ordaf gu gola dum afrikaf pogdol is cuskol is krapol is kraimol tulon vedgober. Va tela ironokafa roblisa sanelia ke krapol ke gola dere bravar. [2]

Vuestexa betara


 
Tamavafa gadakiewega koe Afrika
AngolaAvafrikaBeninaBissauguineaBotswanaBurkinaBurundiaErtraGabonaGambiaGanaGeeafrikaGeesudanaGuineaItyopiaJazairaJibutiaKaboverdeaKamerunaKenyaKomoriaKongoaSokasanerotifa KongoaKoteivoiraLesotoaLiberiaLibiaMadagasikaraMagribaMalawiaMaliaMauritiaMisraMozambikaMuritaniaNamibiaNigeraNigeriaRwandaSaotomeprincipeaSenegalaSeycellaSierraleonaSomaliaSudanaSwatiniaTaltefa SaxaraTanzaniaTcadaTogoaTunusaUgandaWitaluguineaZambiaZimbabwea