Rusahinili

Rusahiniliarmenavon Ռուսախինիլի ) tiyir ralmawid ke Urartu savsafo gazaxo bak vantenuse sare. Tice folkayenafa venta re yoltkirafa gu Toprakkale tigir, poke Van witafa widava koe Turka.

Radimi surtera va Sarduri II is kovilara va Tushpa inafu kelu gan Tiglath-Pileser III Assur gindik bak -735 AGJ, Rusahinili gan Rusa I diref gazik zo vegeduyur ise yoltayar.

Izva va vayareem

Kruldera ke Urartu wetce izvafo gazaxo isti XIX-eafa decemda zo gruper, radimida taneaf ksudaks va simbakoraf kosuteks gan Van Rock al zo skuyud. Taneafa joxara va Toprakkale debak gan Clayton britanaf ikapermik koe Van is Hormuzd Rassam zo bokayad. Tegira va dopewa banugale videckeyena moe lentefa datca ke kiria karakeyer. Joxara va kosmara va yona vodakirafa muka noveyed, i va tulon roga is gazaf prosil is yunkesa raporafa krexa ikz-. Lobat kosmaks dene British Museum tcila koe London re tigid.

Bak 1898-1899 germanafa rawopafa brinuga gadena gan Lehmann-Haupt moe debak ke Toprakkale kobayar. Jontika muka ( kum moava ok dilgava ok wula vox nelkon iyekot ) kosmayana gan bata brinuga den tcila ke Berlin zo divbureyed neken jontikara koe debak zavzagiyid aze koe Rawopafe Tcilaxe ke Van do yon kosmaks askiyin koe Tushpa re zo divnedid. Benprostelanixa ke Lehmann-Haupt brinuga ton konaka karba zo sanegayad. [1]

Bak 1911-1912 joxarama va Toprakkale gan Orbeli cultimik zo skuyud. [2]

Mali tena ke Taneafa Tamavageja kali rekeugal, virutsama ke turkafa ervolia va venta ke Toprakkale kereler nume Rusahinili debak tir merovansan. [3]

Dre ke wid

Vaneksara va wid gu lava

Rusa I gazik va zolonafa is birtafa lavackanefa kobavera ta celesafa vaneksara va wid gu lava volmiv skuyur. Tcafa uzda dem konaka oblaxa is toloy narilt kale widava arte 30 km- zo reduyur. Ontine ke uzda tiyir vas 900 m- vamoe Rusahinili. Bate dre va andura va tawaday aname Rusahinili is inkera va matela noveyed. Vaneksara va wid gu lava tiyir vas 2.5 ik 3 m³/v-. Lavafe dre ke Rusa remi mon 2500 tanda kruldeyer, kali 1891 viele kiewagisa enja keni kentarapa ten grivegeduyur. Opik torigid da lavaf vaneksas bolk ke Rusahinili tiyir vegeduks lif gu ref vugarnack. [4]

Rusahinili, Urartu
Mhera Door.jpg Urartian inscribed bronze Shield with incised decoration.jpg Bronze model of city wall - Toprakkale.jpg

Mher tuvel, baerdaxo koe Rusahinili

Iyekotaf prosil kosmayan koe Toprakkale ( evlon gu mon -650 AGJ ) dem kosuteks : « Rusa, nazbeikye ke Erimena, gijarotif gazik, gazapik, okilik ke Tushpa »

Iyekotafa teza ta rebavega ke wid, tarizayana gu lorik, kosmayana koe Rusahinili (Toprakkale)

Yambaxa kosmayana koe Rusahinili
Urartian Art 04b~.jpg Urartian Art 03.jpg Offering table form the temple of Haldi. From Toprakkale, Van. 7th century BE. Museum of the Ancient Orient, Istanbul.jpg
Balumaxa va wiltkiraf lorik, Rusahinili
Balumaxa va Teisheba lorik va xefto is geja
Firvirak male dopewa ke Haldi,
kosmayan koe Rusahinili

Vuestexa

  1. Lehmann-Haupt C. F., Armenien, Berlin, B. Behr, 1910—1931
  2. Орбели И. А., Предварительный отчёт о командировке в Азиатскую Турцию 1911—1912 // Известия Академии Наук, 1912
  3. Турция. Окно в мир. «Эком-Пресс», Москва, 1997 ISBN 5-7759-0025-1
  4. Gunther Garbrecht, The Water Supply System at Tuspa (Urartu) // World Archaeology, Vol. 11, N°3, 1980
Rusahinili
Rawaks ke Rusahinili ralma
DEBALA
Debala Toprakkale
Turka   Flag of Turkey.svg
Maneka OOjs UI icon mapPin-progressive.svg 38° 31′ 14" L-, 43° 24′ 14" R-
KIRA
Ord Urartu ralma
Welma - km²
IZVA
Zabdura ≈ -730-720 AGJ
Jovlera ?
Ayafe sare Urartu, Azilugal
P Parthenon 2.svg  Tuveli icde Izvopa  P Parthenon 2.svg
Tigixo ke Rusahinili debak
Urartu extension.svg Urartu Chariot D.jpg Urartu : savsugalafo gazaxo ke Pokefa Lenteka  Van Fortress From Northwest.JPG
Gazik

ArameLutipriSarduri IIshpuiniMenuaArgishti ISarduri IIRusa IArgishti IIRusa IISarduri IIISarduri IVErimenaRusa IIIRusa IV

Debak

AltıntepeArgishtikhiniliArzashkunAyanisBastamErebuniRusahiniliSardurihiniliTeishebaniTushpa

Lorik

ArubaniHaldiHubaShiviniTeishebaTushpuea

Araya

UrartuavaAlkaYamba