Sardurihinili

Sardurihinili ( armenavon Հայկաբերդ Haykaberd ; turkavon Çavuştepe  ) koe re Gürpinar utca ke Van winka koe Turka tigir, gerone Van widava arte mon 25 km-, keve vawa vane Hakkari wid, koe krant grupen koe savsafa is izvafa Armena yolton gu Hayots Dzor ( armenavon Հայոց Ձոր, krant ke armenavik ). Tiyir ralma faveyena gan gazik ke Urartu remi -VIII-eafa decemda AGJ isu -VII-eafa. Debak Sardurihinili va conyakoraf zovdom dir, waganyesi moe xed ticukon ice azeka ke Gülpinar. Vas migexarebava is stabrega ke gazafa berma vegeduyuna bak gazugal ke Sarduri II ( -764 – -735 AGJ ) pelavon gu gazaxo ke Urartu ruldar. Ticak is titak ke ralma al zo joxad. Dopewa ke Haldi is yona rebava ke ralma is gazaf rasek is yona onya ( evlon gu -VII-eafa decemda AGJ ) is konake emaxe isu bukelta is burmotaxo is berma dem uskejxo is « gazafo » tcatexo is ayikyaxo is brivaxokirafa bonta al zo grifuned. Kelor aname lanyon pak ke ralma tigiyir. Sardurihinili bak -VII-eafa decemda AGJ zo vilayar, ape gan Skutoy saneik. Zavzaks ke radimifa mialukugalafa kerelera dere krulded. Debak wali 1961 is 1986 gan Afif Erzen zo joxayar. Ewavak Wiks va azeka male Sardurihinili Debak ke Sardurihinili Datca ke xed ke debak Ki ke ralma ke Sardurihinili Dopewa ke Sardurihinili Bukelta koe Sardurihinili Bukelta koe Sardurihinili Atcom koe Sardurihinili Vuestexa (tr) O. Belli (2001): Çavuştepe (Šardurḫinili) Excavations. In: O. Belly (ed.): İstanbul University’s Contributions to Archaeology in Turkey 1932-2000. Istanbul (tr) A. Erzen (1978): Çavuştepe I. M. Ö. 7.-6. Yüzyil Urartu Mımarlik Antilari ve Ortaçağ Nekropolü . Ankara. (de) A. Erzen (1978): Ausgrabungen auf der urartäischen Burg Çavuştepe im Gebiet von Van. In: E. Akurgal (ed.): The Proceedings of the Xth International Congress of Classical Archaeology, Ankara-İzmir, 23-30.9.1973. Ankara. (de) H. D. Kaspar, E. Kaspar (1986): Urartu. Ein Weltreich der Antike. Ein Reisehandbuch. Hausen

Sardurihinili DEBALA Debala Vema ke Gürpinar, Van winka Turka   Maneka  38° 35′ 24" L-, 43° 45′ 93" R- KIRA Ord Urartu ralma Welmot ? km² IZVA Zabdura ≈ -764 AGJ Jovlera ≈ -600 AGJ Ayafe sare Urartu, Azilugal   Tuveli icde Izvopa