Sarduri II

Liwot va Urartu gazaxo bak sare ke Sarduri II Sarduri II tiyir gazik ke Urartu mali -764 AGJ kali -735. Tiyir nazbeikye is direik ke Argishti I. Va ligundewera ke Assur gindaxo impavantar nume va intafo tawavo geon divlizer ise va Gurgum is Milid kelu loplekur, is dere va Kummuh is Harran kelu kenrone Eufratos bost. Va vegedusa is tulistasa gaderopa bokayana gan gadikye linter. Bak -743, soe Assur va orikugal divfir numen Sarduri va divlizereva ke Tiglath-Pileser III gindik ( -745 – -727 ) gotsuner. Bantan va ini mocener aze do suriaf vangluyanik bak -735 va Tushpa zonoster ise va Urartu gazaxo kerestiar. Patecta va gaderopafa deonacekap banvielu gruper numen Sarduri zo aytcusir. Evla ke inafa awalkera me zo gruper. Sarduri II tiyir zolonaf kolnasik. Va Sardurihinili ralma tulon vegeduyur. Rusa I nazbeikye va ini radimifir. Iyekotafa atsa ke Sarduri II Iyekotaf prosil ke Sarduri II Vuestexa (fr) Gérard Dédéyan, Histoire du peuple arménien, Privat, Toulouse, 2007, ISBN 978-2-7089-6874-5 (en) Piotrovsky, Boris (1969), The Ancient Civilization of Urartu, London, Cowles Book Co., ISBN 0-402-10171-5

Sarduri II Gazik ke Urartu Nafaluca Prostelay Sarduri Semek Gazik ke Urartu Soka Urartu Nafalugal -764 – -735 AGJ Dar- nafalik Argishti I Dir- nafalik Rusa I Blirizva Koblira ? Awalkera ≈ -735 Gadikye Argishti I Nazbeik Rusa I betara teza   Tuveli icde Izvopa