Aleksandra Ivanovskaya

Aleksandra Ivanovskaya

1851-1917

Rossiaf artowasik

Aleksandra Semyonovna Ivanovskaya yer-kirafa gu Maliceva ( rossiavon Александра Семеновна Ивановская, Малышева ) tiyir rossiaf artowasik. Koe Sokovnino widama koe Tula bowexo ke savsafo rossiafo gindaxo bak1851 kobliyir. Bak 1917 koe Serdobsk ke Saratov koe Rossia awalkeyer. Blirizva Aleksandra koe Sokovnino wida ke Tcerni utca koe Tula bowexo koblir, nazbeya ke gertikye. Va toloya berya Evdokia is Praskovya is baroye berikye Vasili az Ivan az Pyotr dikir. Bak 1872 dene Lesgaft kizey ta selaropa koe Sankt Peterburg vayar. Banugale va artowas lizor kazokever. Bak toleaksat ke 1876 artowasa tegira ke Vasili berye ( Ivanovski / Yonov arienta koe Moskva, pakera va kevboweref seltom galbedus tove sane ) nekir da ina dere zo askoar nume gan ardial zo soper. Remi peroy aksat zo dagir aze amulanon zo divflintar. Ba 17/07/1877, sayakafa rictaga va ina ko yasaf pilkot ristulon stanjur ise va ardialafa enintera anamsteger. Wori bak santaneaksat ke 1877 ko Moskva mallakir lize kan memwedaf yolt di blir. Va Zemlya i Volya grustaks paker. Ba 27/10/1879 koe Moskva toleatomon zo soper aze ko Xolmogori koe Arxangelsk winka zo rezgaler. Porfeon ko Turinsk koe Tobolsk winka zo arburer lize alubdon di blir ise va Sergey Malicev ( 1853-1920 ) stanjuyune artowasikye yerumar. Mali 1890-e sanda do Malicev koe Dubrovka wida poke Serdobsk ke Saratov winka blir lize bak 1917 di awalker. Berikeem Vasili Semyonovitc Ivanovski ( 1846-1911 ) : saneevaf artowasik Praskovya Semyonovna Ivanovskaya ( 1852-1935 ) : saneevaf artowasik Evdokia Semyonovna Ivanovskaya ( 1855-1940 ) : saneevaf artowasik Ivan Semyonovitc Ivanovski ( 1859- ) : saneevaf artowasik Pyotr Semyonovitc Ivanovski ( 1863- ) Vasili Ivanovski Evdokia Ivanovskaya Praskovya Ivanovskaya Dere rupec ► Rossiafa artowasikya Vuestexeem (ru) Blirizvama, internetxo

Aleksandra Ivanovskaya  Koblira  1851,  Sokovnino, Tula winka, Rossia  Awalkera  1917,  Serdobsk, Saratov winka, Rossia  Vedeyot  Rossia  Tegira  Galbedus artowasik   Bifa  Zemlya i Volya grustaks   Tuveli icde Izvopa  Afigasuteks va Sergey Andreyevitc Malicev, yerumanik ke Aleksandra Ivanovskaya