Maria Ananina

rossiaf artowasik
Maria Ananina
1849-1899
Rossiaf artowasik

Maria Aleksandrovna Ananina yer-kirafa gu Deutsch ( rossiavon Мария Александровна Ананьина, Дейч ) tiyir rossiaf artowasik. Koe Sankt Peterburg koe savsafo rossiafo gindaxo bak 1849 kobliyir. Ba 25/01/1899 koe stanjuxo koe Nertcinsk koe Sibiria awalkeyer.

Blirizva betara

Maria Ananina tiyir nazbeikya ke dodelik ke Sankt Peterburg. Kaikion dene gadiskikxe zo gaayar, kali 1865.

Moni 1868 va tawadayik ke Nijne Serbinskaya wida koe Perm bowexo kurer aze va konak nazbeik dikir. Isti 1880-e sanda divkurer. Banugale va radekaropa vayar aze koe Pargolovo poke kelu wetce radekarapomasikya kobar.

Ba 03/03/1887 koe Pargalovo gan ardial zo soper aze koe Sankt Peterburg zo dagir, buntuyuna gu tikira va labilmara va Aleksandr III gindik stayana gan lospa ke Narodnaya Volya grustaks ke Aleksandr Ulyanov. Gu pakera va gomilasa lospa is epura va aora is divroidaxa ta bilmara bak jiz ke 15-19/04/1887 zo komalyer. Gu zelara va rokeem is vrayatanon zo xonukalanzar voxen erkey va gakera gu tolsanda ta poana kobara di nuner.

Gretcaks va Aleksandrovski flint, 1883
Ropexe ke Kara xalta, afigasuteks titi XIX-eafa decemda

Maria Ananina ko Sibiria zo rezgaler. Bak santaneaksat ke 1887 koe flint ke Irkutsk toz aelyaster. Ba 08/01/1888 va xalta ke Kara artlakir. Ba 11/06/1892 ko flint ke Kara zo arburer.

Ba 03/04/1896 va Lev Deutsch divblinik ronoyerumar.

Bak lerdeaksat ke 1896 jijacek ke poana kobara gu bareaca zo kastar. Nope budera va flint ke Kara, ko tel ke Akatuy ba 06/06/1898 zo arburer. Toz akoleper nume ko flintropexe ke Nertcinsk zo stakser. Ba 25/01/1899 nope welzavega koeon mulufter.

Dere rupec betara

Rossiafa artowasikya

Vuestexeem betara

Maria Ananina

 Koblira  1849,
 Sankt Peterburg, Rossia
 Awalkera  25/01/1899,
 Nertcinsk, Rossia
 Vedeyot  Rossia
 Tegira  Grustas artowasik
  Bifa 
  Tuveli icde Izvopa 
Afigasuteks va Lev Deutsch (1855-1941), toleaf yerumanik ke Maria Ananina

Varvara AleksandrovaMaria AnaninaNatalya ArmfeldAlyona ArzamaskayaSofia BardinaFanya BaronEkaterina BartenevaVarvara BatyuckovaAnastasya BitsenkoSofia BogomoletsAnisya BolotinaEkaterina Brecko-BreckovskayaMaria CkolnikLidya EzerskayaRebekka FialkaLidya FignerVera FignerYevgenya FignerGesya GelfmanEmma GoldmanXristina GrinbergRaisa GrossmanSofia Ivanova-BoreycoAleksandra IvanovskayaEvdokia IvanovskayaPraskovya IvanovskayaAleksandra IzmaylovitcMaria KalyujnayaFanni KaplanNatalya KlimovaNatalya Kogan-BernsteinZinaida KonoplyannikovaMaria KovalevskayaElizaveta KovalskayaYulya KrukovskayaMaria KutitonskayaTatyana LebedevaSofia LeschernOlga LyubatovitcVera LyubatovitcFani MoreinisMaria NikiforovaSofia PerovskayaAnna Pribilyova-KorbaAnna RasputinaYevgenya RatnerNeonila SalovaNadejda SigidaNadejda SmirnitskayaMaria SpiridonovaMaria SubbotinaNadejda SubbotinaYevgenya SubbotinaOlga TaratutaLyudmila TerentyevaAnna ToporkovaMaria VetrovaLyudmila VolkensteinAleksandra XorjevskayaAnna YakimovaVera Zasulitc