Anna Rasputina

Anna Rasputina

1874-1908

Rossiaf artowasik

Anna Mixailovna Rasputina koblirayoltkirafa gu Culyatikova ( rossiavon Анна Михайловна Распутина, Шулятикова ) tiyir rossiaf artowasik. Koe Novoye Usolye wida ke Perm bowexo koe savsafo rossiafo gindaxo is refa Rossia ba 06/12/1874 kobliyir. Ba 17/02/1908 koe Lisi Nos poke Sankt Peterburg vrayanon zo klibuyur. Blirizva Anna Mixailovna Culyatikova tiyir nazbeikya ke Mixail Culyatikov artowas sayudasik divbliyin koe Perm is Aleksandra Kuzminitca. Yasa ko Moskva bak 1882 rodimlapir. Anna koe sardikyafa olda az Bestujev olda vayar. Mali 1894 tir bewik ke Narodnaya Volya grustaks aze gu arienta ke Laxtinskaya birgotafe rubiaxe bak 1896 zo askoar. Do Maria Vetrova zo soper aze koe Petropavlovskaya ralma zo koflintar. Bak 1898 ko taltefa Sibiria zo divblir. Koe Yakutsk va Ivan Spiridonovitc Rasputin gaderopaf divblinik kurer. Bak 1903 va Sibira ronobulur nume koe Maloyaroslavets poke Kaluga koirubar. Voxe mali 1904 ko Sankt Peterburg birgoton koirubar aze mali 1906 va bilmara va konak sayakaf blodik ( Ivanov vombik is Pavlov jadiwik is Maksimovski flintaf dirgasik is Mine jadiwik ) egar. Va bilmara va Ctceglovitov eldik ta malyerot dere grustar. Nope relmesa pistolera ke Azev jontolaf sayudasik, ba 07/02/1908 do konakar palik zo soper. Gan sayakaf erkey ke Sankt Peterburg zo xonukalanzar. Ba 17/02/1908 koe Lisi Nos do tevoy ar lanzanik zo vrayar. Dere rupec ► Rossiafa artowasikya Vuestexeem (ru) В. Шулятиков (V. Chouliatikov), « Анна Михайловна Шулятикова (Распутина) », dene internetxo

Anna Rasputina  Koblira  06/12/1874,  Novoye Usolye, Rossia  Awalkera  17/02/1908,  Lisi Nos, Rossia  Vedeyot  Rossia  Tegira  Bilmas artowasik   Bifa  Narodnaya Volya grustaks Laxtinskaya rubiaxe, 1896   Tuveli icde Izvopa