Yevgenya Ratner
1886-1931
Rossiaf artowasik is gaderopik

Yevgenya Moiseyevna Ratner kurerayoltkiraf gu Elkind ( rossiavon Евгения Моисеевна Ратнер, Элькинд ) tiyir rossiaf artowasik. Koe Smolensk koe savsafo rossiafo gindaxo is refa Rossia titi 1886 kobliyir. Bak 1931 koe Butirka flintropexe koe Moskva mulufter.

Blirizva betara

Yevgenya Ratner tir vey glastafa yasa. Moisey Gircevitc Ratner gadikye tiyir selaropik is poraf wideyik ke Smolensk. Yevgenya koe Sardikyafa Olda ke Smolensk vayar lize zo dobar.

Bak 1903 va Seltevafo Artowaso Pako yoter. Ba 12/04/1904 nope grustara va neda ke pako taneatomon zo soper. Va Artowara ke 1905 paker ise va exaksara ba 20/02 koe Smolensk grustar aze va gaderopafa katanara koe wenyaxe lize dewitcar. Bak vintera ke santoleaksat koe Moskva obledon ice Presnenski is Trioxgorna lyumar. Azon va winkafa neda ke pako koe Lenttaltexo.

Bak Artowara ke Toleaksat ke 1917, Yevgenya Ratner koe Sankt Peterburg az Moskva sayudar. Wetce dastrubenik ke Duma koka ke Moskva zo libur. Bal solpera ke SAP, va taltefa grelta kazokever. Bal 4-eafa aba gu avneda zo libur aze tir ke gadesa neda. Mali idulugal ke 1918 va neda ke Moskva birgoton gader. Ba 06/10/1919 koe Moskva gire zo soper. Kadimion zo tunuyar.

Bak 1920 ware zo soper aze do tane bardafe nazbeikye va Butirka flint zo kobudeyer.

Jiz va Seltevafo Artowaso Pako, 1922
Jiz va Seltevafo Artowaso Pako (1922)

Jizanik
Xonukalanzara :

  1. В. В. Агапов — Vladimir V- Agapov
  2. А. И. Альтовский — Arkadi I- Altovski
  3. М. Я. Гендельман — Mixail Y- Gendelman
  4. Л. Я. Герштейн — Lev Y- Gerstein
  5. А. Р. Гоц — Avram R- Gots
  6. Д. Д. Донской — Dmitri D- Donskoy
  7. Н. Н. Иванов — Nikolay N- Ivanov
  8. Е. А. Иванова — Elena A- Ivanova
  9. М. А. Лихач — Mixail A- Lixatc
  10. С. В. Морозов — Sergey V- Morozov
  11. Е. М. Ратнер — Yevgenya Ratner
  12. Е. М. Тимофеев— Yevgeni M- Timofeyev
10-dafa flintlanzara :
  1. М. А. Веденяпин — M- A- Vedenyapin
  2. Д. Ф. Раков — D- F- Rakov
  3. Ф. Ф. Федорович — F- F- Fedorovitc
  4. Н. И. Артемьев — N- I- Artemyev
  5. А. В. Либеров— A- V- Liberov
5-dafa flintlanzara :
  1. Е. С. Берг — E- S- Berg
  2. М. И. Львов — L- I- Lvov
  3. В. Л. Утгоф— V- L- Uthof
3-dafa flintlanzara :
  1. Г. Л. Горьков— G- L- Gorkov
2-dafa flintlanzara :
  1. П. В. Злобин— P- V- Zlobin

Ba 07/08/1922 bal Jiz va Seltevafo Artowaso Pako koe Moskva, zo xonukalanzar. Soe direvielon gakera gan skusa avneda ke Rossiafe Galdafe Sokasane zo obukar. Bam, in koe Lubyanka flint bokson zo dagir nume toz aelyaster. Ba 14/01/1924, inafa gakera gu alubdafa dagira zo nuner. Tici 1925 Yevgenya Ratner do baroy nazbeik ( tevdaf ik sanbardaf ) ko Ust-Tsilma widama ke Petcorski utca koe Arxangelsk winka zo divblir. Banlize do Boris Ivanov ( 1890-1938 ) is Mixail Tseytlin ( 1890-1937 ) tigir. Kadimion arti lerdkafa aelyastera, do nazbeikeem ko Samarkand zo arburer. Banlize wetce skapopik di kobar ise va neva icde warzeraf uum di sanegar.

Mali 1925 veter. Bak 1930 ko Butirka flintropexe zo rundayar lize bak imwugal ke 1931 di mulufter.

Dere rupec betara

Rossiafa artowasikya

Vuestexeem betara

  • (ru) M. I. Leonov, Партия социалистов-революционеров в 1905-1907
  • (ru) Партия социалистов-революционеров : Документы и материалы, t. II, III, Moskva,‎ 2001

Yevgenya Ratner

Yevgenya Ratner

 Koblira  1886,
 Smolensk, Rossia
 Awalkera  1931,
 Moskva, Rossia
 Vedeyot  Rossia
 Tegira  Galbedus artowasik isu gaderopik
  Bifa 
  Tuveli icde Izvopa 
Ust-Tsilma tici 1900-e sanda lize Yevgenya Ratner zo rezgaleyer

Varvara AleksandrovaMaria AnaninaNatalya ArmfeldAlyona ArzamaskayaSofia BardinaFanya BaronEkaterina BartenevaVarvara BatyuckovaAnastasya BitsenkoSofia BogomoletsAnisya BolotinaEkaterina Brecko-BreckovskayaMaria CkolnikLidya EzerskayaRebekka FialkaLidya FignerVera FignerYevgenya FignerGesya GelfmanEmma GoldmanXristina GrinbergRaisa GrossmanSofia Ivanova-BoreycoAleksandra IvanovskayaEvdokia IvanovskayaPraskovya IvanovskayaAleksandra IzmaylovitcMaria KalyujnayaFanni KaplanNatalya KlimovaNatalya Kogan-BernsteinZinaida KonoplyannikovaMaria KovalevskayaElizaveta KovalskayaYulya KrukovskayaMaria KutitonskayaTatyana LebedevaSofia LeschernOlga LyubatovitcVera LyubatovitcFani MoreinisMaria NikiforovaSofia PerovskayaAnna Pribilyova-KorbaAnna RasputinaYevgenya RatnerNeonila SalovaNadejda SigidaNadejda SmirnitskayaMaria SpiridonovaMaria SubbotinaNadejda SubbotinaYevgenya SubbotinaOlga TaratutaLyudmila TerentyevaAnna ToporkovaMaria VetrovaLyudmila VolkensteinAleksandra XorjevskayaAnna YakimovaVera Zasulitc