Raisa Grossman
1858-1900
Rossiaf artowasik

Raisa ( Rosalya ) Lvovna Grossman kur-kirafa gu Pribilyova ( rossiavon Раиса (Розалия) Львовна Гроссман, Прибылёва ) tiyir rossiaf artowasik. Koe Gorodictce wida koe Kyiv bowexo ke savsafo rossiafo gindaxo bak 1858 kobliyir. Ba 02/08/1900 koe Kyiv koe Ukraina mulufteyer.

Blirizva betara

Toza betara

Rosalya ( Raisa ) Grossman tiyir vey yudafa yasa ke Lev Moiseyevitc Grossman ( 1819-1896 ) kurmik koe Odesa is Henrietta Grossman ( 1839-1912 ). Gadikye va geja kev Turka bak 1877-1878 pakeyer ise va pulava vas sokaf pirdotik artfiyir. Gadikya gan kotla ke Heidelberg koe Germana zo dobayar ise va baroya divefa ava uckuyur. Yasa tiyir dem sanoy nazbeik. Cug sin al vayad aze vanpiyid kurmik ok aluteik ok sayakik.

Raisa dene yasegafa olda ke Odesa vayayar. Azon yasa ko Sankt Peterburg divsokeyer. Banlize dene aptaf ayikyaf kizey va selaropa kali sopera vayayar. Va mulaf kotlaf jotikeem zo turestayar nume va Narodnaya Volya denfiyir.

Va Aleksandr Vasilievitc Pribilyov bak 1881 kurer nume kevebgason va yudeva gotukristevawer.

Artowasik betara

Bak imwugal ke 1882 do kurenye va kraba koe Vasilievski ewala lizukedur lize va foba tugadiar, ta direfa bilmara va Sudeykin batultavombik.

Xe ke Kara xalta, 1891
Jiz va 17 ke Sankt Peterburg (1883)

Jizanik

  1. Богданович, Юрий Николаевич — Yuri BogdanovitcParmafa xalta ta poana kobara
  2. Борейша, Антон Степанович — Anton BoreycoDivblira koe Sibira
  3. Буцевич, Александр Викентьевич — Aleksandr ButsevitcParmafa xalta ta poana kobara
  4. Грачевский, Михаил Фёдорович — Mixail GratcevskiParmafa xalta ta poana kobara
  5. Гринберг, Христина Григорьевна — Xristina GrinbergDivblira koe Sibira
  6. Гроссман, Раиса Львовна — Raisa Grossman15 xaltafa tanda ta poana kobara
  7. Златопольский, Савелий Соломонович — Saveli ZlatopolskiParmafa xalta ta poana kobara
  8. Ивановская, Прасковья Семёновна — Praskovya IvanovskayaParmafa xalta ta poana kobara
  9. Калюжный, Иван Васильевич — Ivan Kalyujni15 xaltafa tanda ta poana kobara
  10. Клименко, Михаил Филимонович — Mixail KlimenkoParmafa xalta ta poana kobara
  11. Прибылёва-Корба, Анна Павловна — Anna Pribilyova-Korba20 xaltafa tanda ta poana kobara
  12. Лисовская, Антонина Игнатьевна — Antonina Lisovskaya15 xaltafa tanda ta poana kobara
  13. Прибылёв, Александр Васильевич — Aleksandr Pribilyov15 xaltafa tanda ta poana kobara
  14. Смирницкая, Надежда Симеоновна — Nadejda Smirnitskaya15 xaltafa tanda ta poana kobara
  15. Стефанович, Яков Васильевич — Yakov Stepanovitc8 xaltafa tanda ta poana kobara
  16. Теллалов, Пётр Абрамович — Pyotr TellalovParmafa xalta ta poana kobara
  17. Юшкова, Мария Александровна — Maria YuckovaDivblira koe Sibira

Voxe bak miel ke 05/06/1882 do kurenye is aryon palik koe kraba zo soper. Bal Jiz va 17 dilizeyes wali 28/03/1883 is 05/04/1883, gu zelara va rokeem is gakera vas sanalubda ke poana kobara koe xalta zo lanzar. Jijacek ke gakera gu balemda sperantanon zo kastar. Raisa Grossman do Prililyov ko xalta ke Kara ko Sibiria zo stakser. Va ban in kadimion divgir.

Mali 1885 ko aro inkexo koe Yakutsk gola zo arburer lize va Nikolay Tyuttcev divblinik di yerumar. Bak 1887 sin va Krasnoyarsk enintenon gan ardial ronokoirubad. Azon bak 1890 ko Orenburg az bak 1892 dim europafa Rossia ko Novgorod.

Gire pakeyeson va artowasa tegira, bak 1894 warzon zo soper aze dim Krasnoyarsk ristulon zo divblir. Radimi tunuyara is kabdi 1900 va Kyiv winka koirubar lize ba 02/08/1900 nope veta mulufter.

Dere rupec betara

Rossiafa artowasikya

Vuestexeem betara

  • (ru) Яницкий О. Н. Семейная хроника (1852—2002). М.: Издательство LVS, 2002
Raisa Grossman

 Koblira  1850,
 Gorodictce, Kyiv winka, Ukraina
 Awalkera  02/08/1900,
 Kyiv, Ukraina
 Vedeyot  Rossia
 Tegira  Bilmas artowasik
  Bifa 
  Tuveli icde Izvopa 
Afigasuteks va Aleksandr Vasilyevitc Pribilyov (1857-1936), taneaf kurenik ke Raisa Grossman, az yerumanik va Anna Korba
Afigasuteks va Nikolay Sergeyevitc Tyuttcev (1856-1924), toleaf yerumanik ke Raisa Grossman

Varvara AleksandrovaMaria AnaninaNatalya ArmfeldAlyona ArzamaskayaSofia BardinaFanya BaronEkaterina BartenevaVarvara BatyuckovaAnastasya BitsenkoSofia BogomoletsAnisya BolotinaEkaterina Brecko-BreckovskayaMaria CkolnikLidya EzerskayaRebekka FialkaLidya FignerVera FignerYevgenya FignerGesya GelfmanEmma GoldmanXristina GrinbergRaisa GrossmanSofia Ivanova-BoreycoAleksandra IvanovskayaEvdokia IvanovskayaPraskovya IvanovskayaAleksandra IzmaylovitcMaria KalyujnayaFanni KaplanNatalya KlimovaNatalya Kogan-BernsteinZinaida KonoplyannikovaMaria KovalevskayaElizaveta KovalskayaYulya KrukovskayaMaria KutitonskayaTatyana LebedevaSofia LeschernOlga LyubatovitcVera LyubatovitcFani MoreinisMaria NikiforovaSofia PerovskayaAnna Pribilyova-KorbaAnna RasputinaYevgenya RatnerNeonila SalovaNadejda SigidaNadejda SmirnitskayaMaria SpiridonovaMaria SubbotinaNadejda SubbotinaYevgenya SubbotinaOlga TaratutaLyudmila TerentyevaAnna ToporkovaMaria VetrovaLyudmila VolkensteinAleksandra XorjevskayaAnna YakimovaVera Zasulitc