Natalya Klimova
1885-1918
Rossiaf artowasik

Natalya Ivanovna Klimova ( rossiavon Ната́лья Серге́евна Кли́мова ) tiyir rossiaf artowasik. Koe Ryazan koe savsafo rossiafo gindaxo bak 30/09/1885 kobliyir. Ba 26/10/1918 koe Paris koe Franca divbliyinon awalkeyer.

Blirizva betara

Toza betara

Natalya Klimova tiyir nazbeik ke Sergey Klimov, i ke pilkotik ke Ryazan is aluteik bewaf gu Sokapirdot. Bak 1903 gan sardikyafa olda ke Ryazan zo dobar aze va Loxvitskaya-Salon kizey koe Sankt Peterburg denfir. Va tilderugal do gadikye vagee Franca poke Nice gitiskiyir.

Bak 1906 va cugevafa grelta ke Seltevafo Artowaso Pako denfir lize va Mixail Sokolov rungruper aze di yerumar.

Bilmara va Stolipin betara

Ba 12/08/1906 va lagadjubera va Pyotr Stolipin taneaf gindeldik paker. Konak artowasik efuyun gu batultik is gaden gan Sokolov, va valdigak dem aora ko inafa trapova koe Aptekarski ewala koe Sankt Peterburg kabud. Divroidara va Stolipin kelur voxe va tol-san-peroy xonukesik is jontik bakanik nekir, don tane nazbeye is tana nazbeya ke Stolipin.

Kevoeteson va eafteva, ban in va bolk dem sayakaf erkey kalrictas va sopera az mulafa komalyera va bet wideytik uculen gu gunuca tadleyer. Ede koridanik zo xonukalanzar, pune restali abdi tol-san-balemoy bartiv merosperantanon di zo malskuyur. Lo 3000 tubizik wali 1906 is 1909 gan bolk ke Stolipin batkane di zo lanzayad aze zo klibuyud. Va « stolipinafa eaftuca » dile pulvit.

Ba 30/11/1906 Natalya Klimova zo pilkomodar nume zo soper. Koe fuxedja ke flint ke Sankt Peterburg, va kotgrupafa twa vergumveltkirafa gu « Abdi klibura » sanegatana koe virda bak 1908 suter.

Bak taneaksat ke 1907 gan sayakaf erkey zo xonukalanzar. Ixedara ke gadikye va Gazenkampf jadiwik konter, i va okilik ke sayakafa utca ke Sankt Peterburg, numen ba 29/01/1907 gakera gu parmafa dagira is poana kobara zo nuner.

Otcera div Novinskaya flint (30/06/1909)

Otcesik

  1. Гельмс, Вильгельмина Гергардовна — Wilhelmina Helms (1881—1913)
  2. Гервасий, Анна Павловна — Anna Gervasi (1865—1933)
  3. Иванова, Прасковья Филипповна — Praskovya Ivanova
  4. Иткинд (Иткина) Фрида Гиршевна — Frida Itkind
  5. Карташева, Александра Иннокентьевна — Aleksandra Kartaceva (1886—1922)
  6. Климова, Наталья Сергеевна — Natalya Klimova (1885—1918)
  7. Корсунская, Ханна Нусимовна — Hannah Korsunskaya (1885-)
  8. Матье, Елизавета Андреевна— Elizaveta Matye (1885—1947)
  9. Морозова, Анна Ивановна — Anna Morozova (1885—1925)
  10. Никифорова, Марья Григорьевна — Maria Nikiforova (1885—1919)
  11. Клапина, Зинаида Васильевна — Zinaida Klapina (Фабрикантова Юлия) (1885—1941)
  12. Шишкарева, Мария Евдокимовна — Maria Cickareva
  13. Акинфиева, Екатерина Дмитриевна — Ekaterina Akinfieva (1885—1941)
  14. Тарасова, Александра Васильевна — Aleksandra Tarasova (1887—1971) — flintaf susik

Otcera div flint az divlamara betara

Bak siel ke 30/06/1909 san-baroya lanzanikya div Novinskaya ayikyaf flint ke Moskva lajupotced, pomanon gan susikya. Natalya Klimova remi tanoy aksat koe Moskva va int lajupalser. Azon va Vasili Kalacnikov dritik yerumar. Ina kan remsibiraf kelot belcon birgoton koyar aze kan wegidol va Gobi letaxo remlakir aze va siniaf molt tere artlakir. Kan tota ko Tokyo koe Nipona lapid aze van Italia az tere Paris koe Franca.

« Bali ke Natalya Sergeyevna Klimova va folvapa ke rossiaf gruadikeem tikir, i ke artowas gruadikeem. [...]
Yargada viele ugal solzarteweyer, osk Rossia voxosk tamava, batlize varafa ayeva ke XIX-eafa decemda is inafa wetara isu lidafa lidawicka isu suteroteem isu yamba, isen banlize Hiroshima is forteykirafa geja is awalkopexo is mialukugalafa nakera is kaldecenara va gloga [...] mayesisa abditara va torkevafa soka. Blira is bali ke Klimova gu ayanami zo kosudeyed, ise tid yargada viele ugal solzarteweyer.
Bali ke Klimova sotir awalkoluca is leca... »

— Varlam Calamov brudis va Natalya Klimova koe « Воскрешение лиственницы », 1966


Dene divlamasikeem ke Franca bak 1911 va Ivan Stolyarov rungruper, i va seltevaf artowasik otceyes va poana kobara koe Tcita aze yerumar. Bak 1912 va artowasa tegira jovler ise va Natalya nazbeya nazbar.

Kadimi Artowara ke 1917, Ivan Stolyarov ko Rossia dimlapir. Arti konak aksat, Natalya dere djulapir voxe zo weyonar. Toloya nazbeikya nope espanafa grakola ve akoled. Klimova silukon tuyicawer nume ba 26/10/1918 koe Paris mulufter. Koe Franca di zo kotawar.

Dere rupec betara

Rossiafa artowasikya

Vuestexeem betara

  • (ru) Наталья Климова «Письмо перед казнью»
  • (ru) Кычаков Иван Спиридонович. Тринадцать. — М.: Московский рабочий, 1971 . — 128 с.
  • (fr) Mabillard M. La Fleur Rouge. Natacha Klimova et les maximalistes russes. Lausanne, 2007.
  • (ru) Сергей Нехамкин Враги такие же, как мы. Как понять друг друга жандарму и террористке? // Аргументы Недели. — № 42 (283) от 27 октября 2011.
  • (ru) Кан Г. С. Наталья Климова. Жизнь и борьба. — СПб.: Издательство им. Н. И. Новикова, 2012. — 392 с. — Серия: Историко-революционный архив. ISBN 978-5-87991-100-8.
  • (ru) Диалог о книге Г. С. Кана / Материал подготовлен А. В. Мамоновым // Российская история. 2014. — № 1. — С.151-180.
    • (ru) Сергей Степанов: Культ смерти, с. 152-157,
    • (ru) Дмитрий Рублёв: Для Климовой идеология максимализма не была чем-то существенным, с. 157-161,
    • (ru) Ярослав Леонтьев: Между нечаевщиной и лампадкой, с. 161-165,
    • (ru) Константин Морозов: Нужно научиться понимать мир российского революционера, с. 166-172,
    • (ru) Сергей Куликов: Наталья Климова — богиня и жертва террора, с. 172-180.
  • (ru) Нейштадт Илья Самуилович. Две Наташи.
  • (ru) Анна Наринская Хорошие девочки (о биографии Натальи Климовой) // Коммерсантъ Weekend. — № 12 (306), 05.04.2013.

Natalya Klimova

Natalya Klimova

 Koblira  30/09/1885,
 Ryazan, Rossia
 Awalkera  26/10/1918,
 Paris, Franca
 Vedeyot  Rossia
 Tegira  Bilmas artowasik
  Bifa 
  Tuveli icde Izvopa 

Varvara AleksandrovaMaria AnaninaNatalya ArmfeldAlyona ArzamaskayaSofia BardinaFanya BaronEkaterina BartenevaVarvara BatyuckovaAnastasya BitsenkoSofia BogomoletsAnisya BolotinaEkaterina Brecko-BreckovskayaMaria CkolnikLidya EzerskayaRebekka FialkaLidya FignerVera FignerYevgenya FignerGesya GelfmanEmma GoldmanXristina GrinbergRaisa GrossmanSofia Ivanova-BoreycoAleksandra IvanovskayaEvdokia IvanovskayaPraskovya IvanovskayaAleksandra IzmaylovitcMaria KalyujnayaFanni KaplanNatalya KlimovaNatalya Kogan-BernsteinZinaida KonoplyannikovaMaria KovalevskayaElizaveta KovalskayaYulya KrukovskayaMaria KutitonskayaTatyana LebedevaSofia LeschernOlga LyubatovitcVera LyubatovitcFani MoreinisMaria NikiforovaSofia PerovskayaAnna Pribilyova-KorbaAnna RasputinaYevgenya RatnerNeonila SalovaNadejda SigidaNadejda SmirnitskayaMaria SpiridonovaMaria SubbotinaNadejda SubbotinaYevgenya SubbotinaOlga TaratutaLyudmila TerentyevaAnna ToporkovaMaria VetrovaLyudmila VolkensteinAleksandra XorjevskayaAnna YakimovaVera Zasulitc